فۆتۆ:
2021-03-29
416 جار خوێندراوەتەوە
ساخلەمیا عێراقێ ڕاگەهاند، د ماوێ ٢٤ دەمژمێرێن بووریدا، چار هزار و ٩٨٨ حالەتێن توشبوونێ و ٢٧ حالەتێن ژیان ژدەستدانێ ب کۆرۆنایێ هاتینە تۆمارکرن، ل هەرێمێ ژی، ٨٣٩ حالەتێن توشبوونێ و ١٠ حالەتێن ژیان ژدەستدانێ ل کوردستانێ هاتینە تۆمارکرن.
ئەڤڕۆ دووشەمبیێ، وەزارەتا ساخلەمیا عێراقێ د ڕاگەهاندنەکێدا بەحس لوێیەکێ کر، ل تەمامیا پارێزگەهێن باشووری و ناڤەڕاستا عێراقێدا، چار هزار و ٩٨٨ حالەتێن توشبوونێ ب کۆرۆنایێ تۆمارکرینە، ل هەرێمێدا ٨٣٩ حالەتێن توشبوونێ ب ڤایرۆسی تۆمارکرینە.
ل گورەی ڕاگەهاندنا وەزارەتا ساخلەمیا عێراقێ، ل تەمامیا پارێزگەهێن باشووری و ناڤەڕاستا وەلاتێ واندا چار هزار و ١٤٨ کەس ب ڤایرۆسێ کۆرۆنایێ باشبووینە، ددەمەکیدا ل هەرێمێ ٣٥٢ حالەتێن باشبوونێ تۆمارکرینە ب شێوەیەکی ل هەولێرێ ٦٨ کەس، سلێمانی ٩٧ کەس، دهۆکێ ژی ١٨٧ کەس.
وەزارەتا ساخلەمیا عێراقێ ئاماژە بوێیەکێ کر، ل تەمامیا پارێزگەهێن باشووری و ناڤەڕاستا عێراقێدا ٢٧ کەسان ب ڤایرۆسی ژیانا خۆ ژدەستدایە، ددەمەکیدا ل هەرێمێ دەهـ حالەتێن ژیان ژدەستدانێ تۆمارکرینە.
پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ ل باژێرێ وهانێ ل چینی، هەیانها د عێراقێدا ٨٣٨ هزار و ٢٦٥ کەس توشی ڤایرۆسێ کۆرۆنایێ بووینە، هەڤدەم ٧٣٥ هزار و ٨١ کەس باشبووینە و ١٤ هزار و ٢٤٩ کەسان ژی بسەدەما ڤایرۆسی ژیانا خۆ ژدەستدایە.