فۆتۆ:
2021-03-29
782 جار خوێندراوەتەوە
لیژنەیا دارایی یا پەرلەمانێ عێراقێ ڕاگەهاند، ناکۆکیێن لسەر چەند خالێن دناڤ ماددێ ١١ێ یا پشکا هەرێمێ و قەرێن دەرەکی و پرۆژەیێن وەبەرهێنانێ و گەشەپێدانا هەرێمی رێگربوون بۆ دەنگدان لسەر تەڤایا پرۆژە یاسایا بودجەیێ ٢٠٢١ێ.
محەمەد شەبەکی ئەندامێ لیژنەیا دارایی ل پەرلەمانێ عێراقێ بۆ میدیایێن ناڤخۆی ڕاگەهاند، هەڤپەیمانێن فەتح رەخنە لسەر قەرێن نوی هەبووینە کو هەشت ترلیۆن دینارن و تایبەتن ب پرۆژێن وەزەراتا کارەبێ و داخازیا کاریگەریێن ئابوری قەرێن دەرەکی کرینە.
ڕاگەهاندژی، پەرلەمانتاران داخاز ژ ئیحسان عەبدولجەبار سەرۆکێ لیژنەیا وزەیا حکومەتێ کریە بۆ وەرزێ هاڤینێ دبیت پشکا پێدانا کارەبێ بهێتە زێدەکرن.
هەڤدەم، رێزان دلێر ئەندامێ پەرلەمانێ عیراقێ د ڕاگەهاندنەکێدا ئاماژە بوێیەکێ دا، داخوازیێن ئالیان و ناکۆکیێن سیاسی دگەل حکومەتی بووینە رێگر ل پێشیا دەربازبوونا پرۆژە یاسایا بودجەی.
دبێژیت، پێتڤیە گەلێ عێراقێ وێ بزانن پشکا هەرێمێ چ رێگریەکێ ل پێشیا دەربازبوونا بودجەیدا دروستناکەت.
ئەڤە ددەمەکیدایە، شەڤا بووری بسەدەما گەلەک ناکۆکیان دناڤبەرا ئالیێن سیاسی یێن دناڤ پەرلەمانی لسەر پرۆژە یاسایا بودجەیا سالا ٢٠٢١ێ، روینشتنا تایبەت بدەنگدانێ لسەر پرۆژە یاسایێ هاتە پاشدائێخستن.