فۆتۆ:
2021-03-29
1191 جار خوێندراوەتەوە
ئەمیندارێ گشتیێ جڤاتا وەزیرێن عێراقێ ڕاگەهاند، مستەفا کازمی سەرۆکوەزیرێن وەلاتی فەرمان کریە، ل مەها رەمەزانێ دا وەزارەتا نافخۆ و دەزگەهێن ئێمناهیێ چاڤدێریا رەوشێ بکەن و رێوشوێنێت پێتڤی بگرنە بەر ل دژی وان بازرگانێن کو یاریا ب ژیانا وەلاتیان دکەن و بەرژەوەندیێن خۆ بسەر بازاری دا زال دکەن.
ئەڤرۆ دووشەمبی، ئەمیندارێتیا گشتیا جڤاتا وەزیرێن عێراقێ د ڕاگەهاندنەکێ دا ئاماژە ب وێ یەکێ کر، ل دژی گرانکرنا کەل و پەل و خاردەمەنی ل مەها رەمەزانێ دا، مستەفا کازمی سەرۆکوەزیرێن عێراقێ، ب مەبەستا رێگریکرن ژ یاریکرنێ ب بهایێ کەل و پەل و خاردەمەنی و پیتڤیان چەند بریار دەرخستن.
ل گورەی ڕاگەهاندنێ، پێتڤیە پالپشتیا وەزارەتێن بازرگانی و چاندنێ بهێتەکرن و ژ پێخەمەت وێ یەکێ ژی بزاڤان بکەن بۆ ئامادەکرنا ئاری ب بهایەکێ گونجای.
ئەو راسپاردە و فەلرمان پشتی نێزیکبوونا مەها رەمەزانێ دهێت، کو تێدا خاستا خەلکی لسەر خارنێ زێدە دکەت.
هـ.ر