فۆتۆ:
2021-03-28
918 جار خوێندراوەتەوە
ئەندامەکێ لیژنەیا دارایی یا پەرلەمانێ عێراقێ ڕاگەهاند، لیژنەیا وان ب ئامادە بوونا سەرۆکێ پەرلەمانی د جڤینێدانە، دبێژیت ژی، هەیانها پشکا هەرێمێ یەکلانەبوویە.
هوشیار عەبدولا ئەندامێ لیژنەیا دارایی ل پەرلەمانێ عێراقێ د رۆپەلا خۆ یا فەیسبوکیدا بەلاڤکریە، "ئەڤڕۆ ئێکشەمبی ژ دەمژمێر ٣ێ وەرە هەیانها جڤینا لیژنەیا دارایی ب ئامادەبوونا سەرۆکێ پەرلەمانی بەردەوامە".
ئەوژی دیارکر، "مە ب زەلالی رایا خۆ لسەر وێ جهگیرکریە، بۆ مە موچە و ژیانا فەرمانبەران و مافێن مەیێن دەستوری بومە گرنگن نە لهەڤهاتنەک دنهادا دیارببیت چارەسەریا ئاریشان ناکەت و ناهێنە جێبەجێکرن".
هۆشیار عەبدولا بەحس لوێیەکێ ژیکر، "هەیا نها مادێ ١١ێ یەکلانەبوویە، ڤێ ئێڤارێ بەریا جڤینا پەرلەمانی جڤینا سەرۆکایەتیا پەرلەمانی و کوتلەیێن سیاسی بۆ هەمی وان ماددان دێ هێتەکرن، کو هەیانها ناکوکی لسەرە".
بسەدەما گەلەک ناکوکیان دناڤبەرا ئالیێن سیاسی دناڤا پەرلەمانی دا لسەر پرۆژە بودجەیا سالا ٢٠٢١ێ، روینشتنێن پەرلەمانی چەند جاران هاتنە پاشدائێخستن ژ بۆ وێیەکێ هەمی ئالی بگەهنە لهەڤهاتنەکا گشتگیر و بڕیارژی ئەوە ئەڤڕۆ دەمژمێر ٧ی ئێڤاری سەرۆکایەتیا پەرلەمانێ عێراقێ بۆ پەسەندکرنا بودجەی گازی ئەندام پەرلەمانان بکەت.