فۆتۆ:
2021-03-28
217 جار خوێندراوەتەوە
پشتی وێیەکێ روینشتنا دوهیا پەرلەمانی ب مەرەما دەنگدانێ لسەر پرۆژە یاسایا بودجەیێ ٢٠٢١ێ هاتە پاشدائێخستن، بڕیارە دەمژمێر ٣ی پشتی نیڤڕۆ یا ئەڤڕۆ ئێکشەمبیێ روینشتن بهێتە بڕێڤەبرن، بڕیاردەرێ لیژنەیا دارایی یا پەرلەمانێ عێراقێ ژی دبێژیت، رەنگە دەنگدان لسەر پرۆژەیاسایێ نەهێتەکرن هەیا لهەڤهاتنەکا ب هێز بهێتەکرن.
ژئالیەکی دیڤە، ڤیان سەبری سەرۆکا فراکسیۆنا پارتی ل پەرلەمانێ عیراقێ ڕاگەهاندیە، "پشتی دوهی جڤینا پەرلەمانی لسەر بودجەی بۆ ئەڤڕۆ هاتیە پاشدائێخستن، هیڤیدارین ئەڤڕۆ پرۆژە یاسایا بودجەی پەسەند بکەین".
دەربارەی لهەڤهاتنا هەرێمێ و ئالیێن شیعەیان دیارکر، هەیا نها شاندێ هەرێمێ و ئالیێن شیعەیان لسەر وێ دەقێ لهەڤهاتینە کو بەریانها لهەڤهاتن لسەر کریە و گۆهرین تێدا نەهاتینە کرن.
هەڤدەم، ئەحمەد سەفار بڕیاردەرێ لیژنەیا دارایی یا پەرلەمانی عێراقێ د چارچوڤێ بەژداریکرنێ د بەرنامەیێ تاوتویا ئێن ئاڕ تیدا ڕاگەهاند، مادەیێ ١١ێ کو دەربارەی پشکا هەرێمێ یە چ ئاستەنگەک لسەر نینە و هاتیە چارەکرن و لهەڤهاتن لسە کریە و شاندی هەرێمی ژی هایداری گۆهرانکاریانە.
ئاماژە بوێیەکێ ژیکر، هەرێم ب ژڤانە پێبەند بیت ب لهەڤهاتنێ، ژبلی کو ئەگەر هۆکارەکێ نەچاڤەرێکری و دەرەکی هەبیت و رێگربیت و شاندێ هەرێمێ گەلەک بنەرمی رەفتارکریە و ب جدینە کو لهەڤهاتنێ بکەن.
ئەوژی دیارکر، پشکا هەرێمێ د پەسەندکرنا بودجەیدا نەهاتیە پاشدائێخستن، بەلکۆ رەهەندێن سیاسی و تەکنیکی و دارایی و بتنێ ئاریشەیێن دناڤبەرا شیعەیاندا سەدەمن.