فۆتۆ:
2021-03-27
388 جار خوێندراوەتەوە
شانا ئێمناهیێ یا عێراقێ ڕاگەهاند، ل ئاکاما ئەنجامدانا ١٩ هێرشێن بالەفرێن جەنگیێن عێراقێ ژمارەیەکا حەشارگەهێن داعش ل زنجیرا چیایێن حەمرین هاتنە خاپورکرن.
شانەیا ئێمناهیێ یا عێراقێ د ڕاگەهاندنەکێدا بەلاڤکریە، ب پشت بەستن ب پێزانینێت دەزگەهێ دژە تیرور و شانەیا هەوالگیری یا سەر ب فەرماندەیا ئوپەراسیونێن هەڤبەش، بالەفرێن جەنگیێن عێراقێ ١٩ هێرش بۆ سەر چەکدارێن داعش ل زنجیرا چیایێن حەمرین ل پارێزگەها سەلاحەدین ئەنجامداینە.
ل گورەی ڕاگەهاندنێ، ل ئاکاما وێ هێرشێ دا ژمارەیەکا حەشارگەهێن داعش ل ناڤچەیێ هاتینە خاپورکرن و چەند چەکدارێن داعش ل زنجیرا چیایێن حەمرین هاتینە کوشتن.
هەڤدەم، سەرۆکێ دەزگەهێ دژە تیرورا عێراقێ ڕاگەهاند، هێزێن عێراقی د ئوپەراسیبوناندا دژی لڤین و چالاکیێن داعش پلانێت نوی پەیرەو دکەن.
ئەو ژی ددەمەکی دا یە، پشتی لڤینێن داعش و ئەنجامدانا چەند کردارێن توندوتیژیێ ل سوریا و عێراقێ ل دەمێن دەربازبووی دا، دەستهەلاتدارێن سەربازی یێن بەغدا و دیمەشق ئوپەراسیونێن سەربازی دژی چەکدارێن داعش زێدەتر کرینە.
هـ.ر