فۆتۆ:
2021-03-27
2184 جار خوێندراوەتەوە
بەشیر حەداد، جێگرێ دوویێ یێ سەرۆکێ پەرلەمانێ عێراقی د کۆینفرانسەکێ نوچەییدا ڕاگەهاند، دناڤبەرا لژنا دارایی و وەزارەتا داراییدا شروڤەیا بهایێ دۆلاری کریە و زورینە ب وێ رازیبوون کو بهایێ دۆلاری وەکی خۆ بمینیت. گوتژی، پشکا هەرێمێ ڕێگر نییە ل دەربازکرنا پرۆژەیاسایا بودجەیا فیدرالی.
جێگرێ دوویێ یێ سەرۆکێ پەرلەمانێ عێراقێ ڕاگەهاند ژی، ئەڤرۆ لژنا دارایی یا پەرلەمانی دگەل بەشەکێ ژ وەزارەتان جڤیان و تێدا بەحسێ بهایێ دۆلاری کریە.
ئاماژە ب وێ یەکێ ژی کر، کو حکومەت بەرەڤانیێ ژ بریارا خۆ دەربارەی بهایێ دۆلاری دکەت و ل داویی بوچوونا زورینە وەسا بوو، ئەو بها وەکی نها بمینیت.
گوتژی، حکومەت دبینیت بڕیارا بلندکرنا بهایێ دۆلاری د بەرژەوەندیا ئابوریا وەلاتیدایە و زۆربەیا ئەندامێن لژنا دارایی ژی دگەل وێ یەکێ نە.
بەشیر حەداد بەحس ژ وێ یەکێ ژی کر، پشکا هەرێمێ بەحس ژ وێ یەکێ نە کریە، لێ بوویە دەقەکا پرۆژەیاسایا بودجە و ژ ئالیێ لژنا دارایی دەنگ لسەر دا یە، د نها دا ئەو رێگر نینە ژ دەربازکرنا بودجە.
هـ.ر