فۆتۆ:
2021-03-26
526 جار خوێندراوەتەوە
پەیڤدارێ سەرۆکێ حکومەتا هەرێمێ ڕاگەهاند، ئەگەر سبەهی جڤینا پەرلەمانی بهێتەکرن وی دەمێ شاندێ هەرێمێ ژی دێ چیتە بەغدا، لێ دەنگویێ وێ یەکێ هەیە جڤینا پەرلەمانی بهێتە پاشخستن.
سەمیر هەوارمی پەیڤدارێ سەرۆکێ شاندێ هەرێمێ بۆ بەغدا ب ئێن ئاڕ تی ڕاگەهاند، بریارە سبەهی شەمبیێ، جڤینا پەرلەمانی بهێتە ئەنجامدان و ئەگەر پشتراستبین کو جڤین دێ هێتە کرن، شاندێ هەرێمێ ژی دێ چیتە بەغدا، لێ دەنگویێ وێ یەکێ هەیە جڤینا پەرلەمانی بهێتە پاشخستن.
ئاماژە ب وێیەکێ ژی کر، دوو جاران لهەڤهاتن دگەل بەغدا هاتیە کرن، لهەڤهاتنا ئێکێ دگەل حکومەتا عێراقێ و مستەفا کازمی بوویە، یا دووێ ژی لهەڤهاتنا دگەل ئالیێن سیاسی بوویە و لژنەیا داراییا پەرلەمانی ژی دەنگ لسەر دایە.
هەر ئەڤرۆ، جەمال کوچەر ئەندامێ لژنا داراییا پەرلەمانێ عێراقێ بۆ ئێن ئاڕ تی ڕاگەهاند، " چەند برگەیەک بێ رازیبوونا لژنا دارایی ئێخستنە دناڤا رەشنڤێسێ پرۆژەیاسایا بودجەی و هندەک ئالیێن شیعەژی دگەل دەنگدانێ نینن لسەر".
پرۆژەیاسایا بودجەیێ ٢٠٢١ێ عێراقێ پشتی نێزیکی سێ مەهان ژ شاندنێ بۆ پەرلەمانی، هێشا نەیێ زەلالە کا چ چارەنڤێس چاڤەرێ دکەت، د دەمەکێ دا فڕاکسیۆنێن شیعە و سونەیان بۆچوونێن جیاواز لسەر هەنە و بریارە سبەهی شەمبیێ پەرلەمان د وێ دەربارێ دا بجڤیتن.
و.ح