فۆتۆ:
2021-03-26
477 جار خوێندراوەتەوە
ئەمیندارێ گشتیێ عەسائیبی ئەهلی حەق ڕاگەهاند، لهەڤهاتنا شنگالێ دناڤبەرا حکومەتا هەرێمێ و حکومەتا فیدرالی دا گرێبەستەکا سیاسیا تایبەتە و بەروڤاژی بەرژەوەندیێت کوردێن ئێزدییە.
قەیس خەزعەلی ئەمیندارێ گشتیێ عەسائیبی ئەهلی حەق د تویتەکیدا نڤێسیە، " ب دل گرانیەکا مەزن لهەڤهاتنا شنگالێ گرێبەستەکا سیاسییە بۆ هەلبژارتنان لسەر بەرژەوەندیێن ئێزدیان، بەردەوامیا وێ گرێبەستێ ژی ب مانایا ڤەگەراندنا شنگالێ یە بۆ وێ رەوشا بەریانها کەتیە تێدا، ددەمەکیدا گەنجێن وان د هێزێن ئەمنیدا ب سەرکردایەتیا حەشدا شەعبی خوینەکا زۆر رشت هەتا ئازاد کرییەڤە".
ئەوژی دادیارکرن، " ئەف لهەڤهاتنە دڤێت بهێتە راوەستاندن و دوماهی ب لهەڤهاتنا نەپاقژ بئینن و ئەوژی ب بەرسڤدانا داخازیێن خەلکێ شنگالێ و پشتەڤانیکرن و بهێزکرنا وان دڤێت بۆ بەرگیری ژ باژێرێ وان ب تایبەتی حەشدا شەعبی کۆمەلگەها ئێزدیان و حکومەت بۆ دروستکرنا ژێرخانا ئابوری و پێشکێشکرنا خزمەتگوزاریان بۆ وێ دەڤەرێ".
قەیس خەزعەلی دبێژیت ژی، پێتڤیە حکومەت خەلکێ دەڤەرێ بڤەگەرینیتە سەر ئەردێ وان و رزگار بکەت ئەو سەرەدەریا سیاسیا، کو هندەک ئالیان دڤێت ژ باژێرێ وان دوویربئێخن بۆ گڤاشتنان بۆ سەروانا، هەیاکو هەلبژارتنێن بهێتدا دەنگێن وان بۆ خۆ مسوگەر بکەن.
بەحس لوێیەکێ ژیکر، دڤێت حکومەت بەریا رەوش ژدەستان دەربکەڤیت کارەکێ راست ئەنجامبدەت، ئەگەر نە هەر پێکدادانەکا سەربازی روویبدەت، ئەڤە د بەرژەوەنیا خەلکێ شنگالێ و حکومەتا فیدڕالی دا نابیت، بەلکو دێ د بەرژەوەندیا وان کەساندابیت یێن دڤێت کۆنتڕۆلا شنگالێ بکەن.
ئەڤەژی ددەمەکیدایە، رۆژا ٩ی تشرینا ئێکێ یا سالا ٢٠٢٠ێ لهەڤهاتن دناڤبەرا هەردوو حکومەتێن عێراقێ و هەرێمێ دا هاتەکرن بۆ وێیەکێ ب هەڤبەشی شنگالێ بڕێڤە ببەن و هەمی گروپێن چەکداری ژی ژوێ قەزایێ دوویربکەن.