فۆتۆ:
2021-03-26
388 جار خوێندراوەتەوە
شاهێ سعودیێ ب فەرمی د پەیامەکا ڤیدیۆیدا داخازا مستەفا کازمی، سەرۆکوەزیرێ عێراقێ کر و داخاز ژێکر ب زوویترین دەم سەرەدانا وی بکەت.
دوهی پێنجشەمبێ، ئاژانسا ئەنباء یا سعودی، پەیامەکا ڤیدیۆی یا سەلمان بن عەزیز، شاهێ سعودیێ بەلاڤکریە و تێدا داخاز ژ مستەفا کازمی کریە ب زوویترین دەم سەرەدانا وەلاتێ وی بکەت.
ئاماژە بوێیەکێ ژیکر، شاهێ سعودیێ و کازمی پەیوەندیەکا تلەفونی ئەنجامدایە و هەردوو ئالیان تەکەز ل هەماهەنگیا دناڤبەرا وەلاتێن خۆدا کر.
ئەوژی دادیارکرن، شاهـ سەلمان و مستەفا کازمی لهەڤهاتن کر لسەر تەکەزکرنا هەڤکاریێ ناڤبەرا واندا بۆ دابینکرنا ئارامیا ئاسایشا زێدەتر د دەڤەرێدا و ژئالیێ خۆڤەژی، سەرۆک وەزیرێن عێراقێ رازیبوو لسەر داخازنامێ.
بەریانهاژی، عەلی عەلاوی وەزیرێ دارایی و جێگرێ مستەفا کازمی سەرۆک وەزیرێن عێراقێ بۆ کاروبارێن ئابوریی بۆ میدیایێن وەلاتی ڕاگەهاندیە، عێراق و سعودی لسەر ڤەکرنا دەرازینکێن سنوری بۆ ئالۆگورا بازرگانی دبەر ئێک و دوو دا لهەڤهاتن.