فۆتۆ:
2021-03-25
454 جار خوێندراوەتەوە
شێورمەندێ ئابوری یێ سەرۆک وەزیرێن عێراقێ ئەشکەراکر، داخویانیێن بەرپرسان و ئالیێن سیاسی دەربارەی گوهرینا بهایێ دۆلاری سەدەما دروستبوونا بوشایێ یە د بازاری دا و کاریگەری لسەر خواست و خستنەڕووی درووستکریە، دبێژیت ژی، "بلندکرنا بهایێ دۆلاری بۆ یەکەم جارە و بەردەوام نابیت".
مەزهەر محەمەد سالح، راوێژکارێ ئابوری یێ مستەفا کازمی سەرۆک وەزیرێن عێراقێ ب رۆژناما فەرمی یا سەباح ڕاگەهاند، داخویانیێن بەردەوام یێن بەرپرسان و ئالیێن سیاسی دەربارەی گوهرینا بهایێ دۆلاری نەجهگیر لڤینان د بازاریدا دروستدکەت.
دبێژیت ژی، ئەڤەژی بوویە سەدەما وێیەکێ کاریگەری لسەر خواست و خستنەرووی بکەت، ب تایبەت دنهادا چ ژ ڤان پێشبینیان دوی بواریدا یەکلانەکریە.
ئەوژی دادیارکرن، یەکەم جار بهایێ دۆلاری بلندکریە و بەردەوام نابیت، هەر چ نووچە و زانیاریژی دوی بواریدا بەلاڤببیت دوویرە ژ راستیێ.
هەڤدەم، ئاماژە بوێیەکێ ژیکر، پێشبینێ دکەن د داهاتیدا بها جێگرببن و دڤێ رەوشا نها تێدایە ژ ناجێگێری و بلندی و نزمیا بهایێ دۆلاری بەردەوام نابیت.
ئەڤە ژی ددەمەکی دایە، چەند رۆژە بسەدەما نووچەیێن پەرلەمانی بۆ دەربازکرنا بودجەی و بمەرجکرنا داکەفتنا بهایێ دۆلاری لهەمبەر دەنگدانێ لسەر وێ ژ ئالیێ چەند ئالیێن سیاسیڤە، بازارێن دراڤی نەجێهگیریەکا بەرچاڤ بخۆڤە دیتیە و بەردەوام بهایێ دۆلاری د بلندی و نزمیێ دایە.