فۆتۆ:
2021-03-25
408 جار خوێندراوەتەوە
ئەندامەکێ جڤاتا نوینەرێن عیراقێ دبێژیت، حکومەتا هەرێمی زێدەتر ژ حکومەتا ناڤەندی پێتڤی ب لهەڤهاتنێ هەیە و هزردکەت پشتی دوو رۆژێن دی شەمبیێ، پرۆژەیاسایا بودجەی ناهێتە پەسەندکرن، " لهەڤهاتن دگەل بەغدا باشترین دەرفەتە بۆ دانا موچەی".
کاوە محەمەد ئەندامێ ئەنجومەنێ نوینەرێن عێراقێ بۆ دەنگێ ئەمریکا ئاماژە ب وێیەکێ کریە، " ئەم وەسا هزردکەین حکومەتا هەرێما کوردستانێ زێدەتر ژ حکومەتا عێراقێ پێتڤی ب وێ هەیە لهەڤهاتنێ بکەت و ئامادەبیت کو داهاتێن پەترۆلێ و نەپەترۆلێ ب وی رەنگی کو د یاسایێ دا هاتیە بزڤرینیتە بەغدا بۆ وێیەکێ بەشێ بودجەی بهنێریت کو ئەو وێ بڕگەیێ داخازدکەن بهێتە زێدەکرن ئەگەر هەرێم پابەندنەبوو چ بڕە پارەیەکی نە هنێریت".
دبێژیت ژی، "ئەز وەسادبینم حکومەتا هەرێمێ پێتڤیە ئیلتزامێ ب یاسایان بکەت نە وەکی یاسایا بودجەی یا سالا ٢٠١٩ێ کو رازیبوو پشتی وێیەکێ پابەندنەبوو، گرنگە پابەندبیت ب یاسایێ و بەشە بودجەیێ هەرێمێ بهنێریت، موچەیێ خەلکی ددەما ویدا بهێتەدان ژبەرکو ئەڤە باشترین دەرفەتە کو ئاریشا موچەی بهێتە چارەسەرکرن ".
کاوە محەمەد ئەوژی گووتیە، ئەو ل لیژنەیا دارایی یا پەرلەمانی شەڕی لسەر وێیەکێ دکەن کو ئەو پارێ بۆ هەرێمێ دهێتە هنارتن بەریا هەر تشتەکی بۆ بوارێ موچەیێ فەرمانبەران بهێتە مەزاختن.
ب گوتنا کاوە محەمەد، لیژنەیا وان داخازکریە، لیستا موچەخۆرێن هەرێما کوردستانێ ژ ئالیێ حکومەتا هەرێمێ ڤە پێشکێشی بەغدا بهێتەکرن بۆ هندێ بشەفافی و لدیڤ لیستەیێ موچەخۆرێن سەرەکی بشێن موچەیێن خۆ وەربگرن.
ئەوێژی دبێژیت، کو مەرەما یەکێتی و پارتی ئەوە لسەر دەقەکی دگەل بەغدا لهەڤهاتنێ بکەن دا کو بەرژەوەندیێن حزبێن خۆ وەکی نها بپارێزن، نە کو رەوشا موچەخوران بهێتە گوهرین.
ئەو پەرلەمانتارێ عێراقێ بەحس لوێیەکێ ژیکر، ئەگەر ڕۆژا شەمبیێ روینشتن بهێتە ئەنجامدان بتنێ ئاریشە بەشێ بودجەیا هەرێمێ نینە، بەلکی ئاریشێن دیژی هەنە کو پەیوەندی ب داخازیێن سونەیان ڤە هەیە، هەڤدەم د ناڤبەرا هندەک ژ کوتلێن شیعەیان ژی ئاریشە هەیە و ململانێ دناڤبەرا واندا هەیە رەنگە گران بیت بشێت دەنگی لسەر یاسایا بودجەى بدەت و دەربازبکەت.