فۆتۆ:
2021-03-25
1284 جار خوێندراوەتەوە
موقتەدا سەدر، سەرۆکێ رەوتا سەدر ڕاگەهاند، بهایێ دۆلارێ ئەمریکی ب دەسێ پسپۆرێن وی بواری دایە و بهایێ نها لهەمبەر دینارێ عێراقێ مفا و خرابیێن خۆ ژ هەنە. هەڤدەم، دەرباری وان گرۆپێن چەکداریێن ئەڤرۆ لسەر جادەیێن بەغدا گەف ل کازمی کرن دبێژت، "ئەگەر سەر ب حەشدا شەعبی نە، دڤیت بهێنە سزادان".
موقتەدا سەدر، سەرۆکێ رەوتا سەدر کو مەزنترین کوتلەیا پەرلەمانی هەیە د تویتەکێ دا ڕاگەهاند، "بریارا بلندکرنا بهایێ دۆلاری مفا و خرابیێن خۆ ژی هەنە، ژبەر وێیەکێ مە د وێ دەربارێ دا ئاخفتن بۆ کەسێن پسپۆر و شارەزایێن ئابووری ب جی هێلایە و بریار د دەستێ وان دایە".
ڕاگەهاندیە ژی، دڤێت زیانێن زێدە بەر گەلی نەکەڤن ب تایبەتی د ڕەوشەکێ دا کو بۆ خۆ ب دەرفەت بزانن بۆ بلندکرنا بهایێ کەلوپەل و پێتڤیان د بازاری دا، پێتڤیە حکومەت چارەسەریێ بۆ وی کاری ببینت.
سەدر ب دیارکری داخازێ ل حەشدا شەعبی دکەت بان خۆ بەری بکەن ژی وی گرۆپی یان ئەگەر ئەون وان کەسان سزا بدەن و دبێژت، "پەنابرن بۆ چەک هەلگرتنێ ڕەتکریە".
ئەڤە د دەمەکێ دایە، سەرێ سپێدا ئەڤرۆ گۆرپەکێ چەکداران کو خۆ ب گرۆپێن (رەبعەلا و کەتائیبی حزبولا) دانە نیاسین ب چەکێ جوار و جورێ ناڤنجی و سڤک لسەر جادەیێن بەغدا بەلاڤببون و ب "گەفێن گوهبڕینێ" ل کازمی داخازا ئینانا خارا بهایێ دۆلاری دکرن.
و.ح
