فۆتۆ:
2021-03-25
425 جار خوێندراوەتەوە
د هێرشەکا چەکدارێن داعشێ دا بۆ سەر گوندەکێ سنورێ قەزا خورماتوو، سەربازەکێ عێراقی هاتە کوشتن و چەند کەسێن دی ژی برینداربوون.
ژێدەرەکێ ژ ئەولەکاریێ بۆ میدیایێن عێراقی ڕاگەهاند، شەڤا دەربازبووی د ئەنجامێ رووبرووبونا دناڤبەرا چەکدارێن داعش و هێزێن ئەولەکاریا سەر ب پۆلیسێن فیدڕاڵ دا، ل گوندێ بیر ئەحمەد یێ سەر ب قەزا خورماتوو سەربازەک هاتە کوشتن و چەند کەسێن دی ژی برینداربوون.
ئاماژە ب وێیەکێ ژی کر، هەر د وی دەمی دا سوپا و هێزێن ئەولەکاریا عێراقێ بۆ پشتەڤانیێ ل پۆلیسان گەهشتنە جهێ بویەری.
گوندێ بیر ئەحمەد دکەڤیتە رۆژئاڤایێ قەزا خورماتوو و ٩٠ کێلومەتران ژ باژارێ تکریتا سەر ب پارێزگەها سەلاحەدین دوورە و یەک ژ وان دەڤەرێن دناڤبەرا هەرێم و عێراقێ دا ئاریشە لسەرە.
و.ح