فۆتۆ:
2021-03-25
615 جار خوێندراوەتەوە
سەمیر هەوارمی، پەیڤدارێ قوباد تالەبانی جێگرێ سەرۆکێ حکومەتا هەرێما کوردستانێ ڕاگەهاند، پشکا هەرێمێ نە سەدەمێ پاشداخستنا دەنگدانێ یە لسەر بودجەیا ٢٠٢١ێ یا عێراقێ. دبێژیت ژی، ژ نیسانا سالا دەربازبووی وەرە، سێ جورین لهەڤهاتنا دگەل بەغدا کرینە.
پەیڤدارێ جێگرێ سەرۆکێ حکومەتێد ڕاگەهاندنەکێ دا ئاماژە ب وێیەکێ کر، ل مەها نیسانا ٢٠٢٠ێ وەرە هەیا نها، سێ جورێن لهەڤهتنا دگەل حکومەتا عێراقێ دەربارەی شایستە داراییێن هەرێمێ هاتنە ئەنجامدان.
دبێژیت ژی، لژنەیا دارایا پەرلەمانێ عیراقێ، ئەو برگەیە پەسەند نەکریە کو پیتڤیە ب هەرێما کوردستانێ ڤە، "ژبەر وێیەکێ پشکا هەرێمێ نە سەدەمە دگەل داخستنا دەنگدانێ لسەر بودجەیا ٢٠٢١ێ یا عێراقێ".
دەربارەی ڤەگەراندنا شاندێ هەرێمێ بۆ دانوستاندنان بەحسا وێیەکێ کریە، "هەر دەما پێویست بکەت، شاندێ حکومەتا هە رێمێ دێ چیتە بەغدا".
سەمیر هەوارمی تەکەز ل وێیەکێ ژی کر، کو دوو پشنیاز لسەر پرۆژەی هەنە دەربارەی ب شایستەدارایێن هەرێمێ. پێشنیازا حکومەتا عێراقێ و پێشنیازا لژنا داراییا کوتلەیێن پەرلەمانی، "هەر کیش وانا بهێتە پەسەندکرن، حکومەتا هەرێمێ دێ پابەندبیت ب جێبەجێکرنێ".
ل چەند رۆژێن دەربازبووی، شاندێ حکومەتا هەرێمێ بۆ جارا ١٧ ژ نیسانا پارڤە دچیتە بەغدا، دەربارەی گوتنا وان بخۆ لسەر لهەڤهاتنێ نێزیکبوونێ لسەر پشکا هەرێمێ و ڕادەستکرنا نەفت و داهاتی، لێ هێشتا پەرلەمانێ عێراقێ دەنگ لسەر پرۆژەیاسایا بودجەی نەهاتیە دان.
و.ح