فۆتۆ:
2021-03-25
533 جار خوێندراوەتەوە
دەستەیا دەستپاکیا عێراقێ فەرمانا دەستەسەرکرنێ بۆ پارێزگارێ بەرێ یێ بابل دەرخست، ئەو ژی ب تومەتا گەندەلیێ لسەر گوهورینا پلێتێن پارڤەکرنا چەند پارچەیێن عەدری ل وی باژاری دا.
دەستەیا دەستپاکیا عێراقێ د ڕاگەهاندنەکێ دا بەحسا وێیەکێ کریە، دادگەها ڤەکولینێن حلە، کو تایبەتە ب دۆسێ یا دەستپاکیێ، فەرمانا دەستەسەرکرنێ بۆ پارێزگارێ بەرێ یێ بابل درەخست، ئەڤەژی بوویە سەدەمێ دەستکاریکرنا چەند پارچە زەڤیێن کو هاتینە دان ب کەسوکارێن شەهیدان و زیندانیێن سیاسی و بریندارێن شەری.
ئاماژە ب وێیەکێ ژی کریە، ئەو دەستکاریێن د گوهۆرینا زەڤیاندا کریە جیازواز ژ وان جها، یێن کو حکومەتێ دیارکرینە، هەروەسا کومەکا نافێن دی ژی ئێخستنە دناڤ لیستێ دا، کو ژ دەرڤەی ناڤێن فەرمی بووینە و ب رێکا تیروپشکێ ئەو زەڤیە بۆ وان دەرچوونە.
ئەو ژی د دەمەکێ دایە، مەها دەربازبووی دەستەیا دەستپاکییا عێراقێ ئاشکراکر، رێڤەبرێ بەرێ یێ تکریت و چەند کارمەندێن رێڤەبەریا ژێدەرێن ئاڤی و باژێرڤانیا سەلاحەدین لسەر گەندەلیێ دەستەسەرکرنە.
و.ح