فۆتۆ:
2021-03-24
393 جار خوێندراوەتەوە
ساخلەمیا عێراقێ ڕاگەهاند، د دەما ٢٤ دەمژمێرێن دەربازبووی دا، پێنج هزار و ٥٣٥ حالەتێن توشبوونێ و ٢٢ حالەتێن ژیان ژ دەستدانێ ب کۆرۆنایێ هاتنە تومارکرن. ل هەرێمێ ژی، ٥١٦ حالەتێن توشبوونێ و حەفت حالەتێن ژیان ژ دەستدانێ ب کۆرۆنایێ ل کوردستانێ هاتنە تومارکرن.
ئەڤرۆ چارشەمبی، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کر، ل هەمی پارێزگەهێن باشوور و ناڤەراستا عێراقێ، پێنج هزار و ٥٣٥ حالەتێن توشبوونێ ب کۆرۆنایێ هاتنە توماکرن، د دەمەکێ دا ل هەرێمێ ٥١٦ حالەتێن توشبوونێ هاتنە تومارکرن.
ل گۆرەی ڕاگەهاندنا وەزارەتا ساخلەمیا عێراقێ، ل هەمی پارێزگەهێن باشوور و ناڤەراستا وەلاتی سێ هزار و ٩٦١ کەس ژ ڤایرۆسێ کۆرۆنایێ چارەسەربوونە. د دەمەکێ دا ل هەرێمێ ٢٢٤ حالەتێن چارەسەربوونێ هاتنە تومارکرن ب ڕەنگەکێ ل هەولێرێ ٧٩، سلێمانی ٨٧ و دهۆک ژی ٥٨ کەس.
ئاماژە ب وێیەکێ ژی کر، کو ل هەمی پارێزگەهێن باشور و ناڤەراستا عێراقێ ٢٢ کەسان ب کۆرۆنایێ ژیانا خۆ ژ دەستدانە، د دەمەکێ دا ل هەرێمێ حەفت حالەتێن ژیان ژ دەستدانێ هاتنە تومارکرن.
پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ ل باژارێ وهانا چینێ، هەیا نها ل عێراقێ ٨٠٩ هزار و ٩٢ کەس توشی ڤایرۆسێ کۆرۆنایێ بوونە، هەڤدەم، ٦٥٧ هزار و ٢٦ کەس چارەسەربوونە و ١٤ هزار و ٩٥ کەسێن دی ژی ب سەدەما ڤایرۆسی ژیانا خۆ ژ دەستدانە.
و.ح