فۆتۆ:
2021-03-24
2841 جار خوێندراوەتەوە
نەبیل مەرسومی شارەزا و ئابوورناسێ عێراقێ ڕاگەهاند، داکەفتنا بهایێ دۆلاری ل هەمبەر دیناری دا دەستهەلاتا بەنکا ناڤەندیە، لێ پەرلەمانتارژی ب مەرجەکی دشێن دەستکاریێ د بهایدا بکەن.
ئەو شارەزا و ئابورناسێ عێراقێ دبێژیت ژی، پەرلەمان دشێت بهایێ دۆلاری ل هەمبەری دیناری بگوهوریت ب مەرجەکی یاسایا بەنکا ناڤەندی بهێتە گوهرین و وپاشان ژ بهای بینتەخار بۆ ئاستێ بەرێ کو ل دەوروبەرێن ١٢٠ هزار دیناران بۆ ١٠٠ دۆلاران بوو.
ڕاگەهاند ژی، بتایبەتی پێتڤیە بڕگا (ئـ) ژ مادا چارێ بهێتە گوهرین کو تایبەتە ب دەستهەلاتا بەنکا ناڤەندی ل ئیدارەیا سیاسەتا نەختینەیا وەلاتی.
ئاماژە بوێیەکێ ژیکر، ئەگەر پەرلەمان ئەوێ پێنگاڤێ بهاڤێت، دێ بیتە تاکە پەرلەمان د جیهانێ دا سیاسەتا نەختینەی یا وەلاتی بڕێڤەببەت.
ژ دوهی وەرە، بهایێ دۆلارێ ئەمریکی ل هەمبەر دینارێ عیراقی نەجێهگیرە و هەیاکو ١٤٢ هزار بۆ هەر ١٠٠ دۆلاران داکەفتیە، لێ ئەڤڕۆ دیسا بۆ نێزیکی ١٤٥ هزاران بلندبوویە.
ل ناڤەراستا مەها کانونا ئێکێ یا سالا بووری، بەنکا ناڤەندیا عێراقێ بهایێ ١٠٠ دۆلاران ژ ١٢٠ هزار دیناران بۆ ١٤٥ هزار دیناران بلندکریە و وێ ژی کاریگەری کریە سەر کار و داهاتێ وەلاتیان.