فۆتۆ:
2021-03-24
341 جار خوێندراوەتەوە
پەیڤدارێ ئەنجومەنێ وەزیرێن عێراقێ ئەشکەراکر، ل دوو ڕۆژێن بهێتدا کاروانێ دووێ یێ ڤاکسینا کۆرۆنایێ دێگەهیتە عێراقێ. هەڤدەم، وەزارەتا ساخلەمیێ ژی دلگرانە ژ وێیەکێ وەلاتی ب دلخۆشی ڤاکسینی وەرناگرن.
حەسەن نازم وەزیرێ رەوشونبیری و پەیڤدارێ وەزیرێن عێراقێ د کۆنفرانسەکێ نووچەیدا بەحس لوێیەکێ ژیکر، کۆرۆنا ب رەنگەکێ بەرچاڤ بەلاڤبوویە و هەژمارا توشبوویان بەردەوام بلند دبیت، بتایبەتی ل گوند و دەشتان دا.
هەڤدەم، عەبدولئەمیر حەلفی رێڤەبەرێ گشتی ل وەزارەتا ساخلەمی و ژینگەها عێراقێ بۆ ئاژانسا فەرمیا نووچەی یا وەلاتێ خۆ ڕاگەهاند، وەلاتی ب دلخوشی ناهێن بۆ وەرگرتنا ڤاکسینی و پێشوازیەکا کێم لێ هاتیەکرن.
ئاماژە بوێیەکێ ژیکر، بەڕۆڤاژی خەلکێ ئەوروپا کو ب رەنگەکێ بەرچاڤ خۆ تۆمارکریە بۆ وەرگرتنا ڤاکسینێ بدژی کۆرۆنایێ، ل وەلاتێن عەرەبی و عێراقێ خەلک کێمتر پێشوازیێ ل وەرگرتنا ڤاکسینی دکەن.
بەحس لوێیەکێ ژیکر، ب هەڤکاری دگەل وەزارەتا پەیوەندیان و دەستەیێن پەیوەندیکرنێ رۆپەلەکا ئەلیکترۆنی دروستکریە دا وەلاتیان ل سەرانسەری عێراقێ، بهەژمێرن، و بشێن خۆ توماربکەن و بێ بەرامبەر ڤاکسینی وەربگرن.
دبێژیت ژی، وەلاتی دشێن ب رێکا کارتا نیشتمانی زانیاریێن خۆ توماربکەن و ناڤ و جورێ ئەوی ڤاکسینی ژی توماربکەن کو پێ باشە وەربگریت.