فۆتۆ:
2021-03-23
441 جار خوێندراوەتەوە
ساخلەمیا عێراقێ ڕاگەهاند، د دەما ٢٤ دەمژمێرێن دەربازبووی دا، چار هزار و ٤٣٧ حالەتێن توشبوونێ و ٢٦ حالەتێن ژیان ژ دەستدانێ ب کۆرۆنایێ هاتنە تومارکرن. ساخلەمیا هەرێمێ ژی دبێژیت، ژ وێ ژمارێ ٤١١ حالەتێنن توشبوونێ و چار حالەتێن ژیان ژ دەستدانێ ل کوردستانێ هاتنە تومارکرن.
ئەڤرۆ سێشەمبی، وەزارەتا ساخلەمیا عێراقێ د ڕاگەهاندنەکێ دا بەحسا وێیەکێ کریە، ل هەمی پارێزگەهێن باشور و ناڤەراستا عێراقێ چار هزار و ٤٣٧ حالەتێن توشبوونێ ب کۆرۆنایێ هاتنە تومارکرن، د دەمەکێ دا ل هەرێمێ ٤١١ حالەتێن توشبوونێ ب ڤایرۆسی هاتنە تومارکرن.
ل گۆڕەی ڕاگەهاندنا وەزارەتا ساخلەمیا عێراقێ، ل هەمی پارێزگەهێن باشور و ناڤەراستا وەلاتی سێ هزار و ٩٥٩ کەس ژ ڤایرۆسی چارەسەربوونە، د دەمەکێ دا ل هەرێمێ، ١٦٦ حالەتێن چارەسەربوونێ هاتنە تومارکرن ب ڕەنگەکێ ل هەولێرێ ٦٤، سلێمانی ٥٨ و دهۆک ژی ٤٤ کەس.
وەزارەتا ساخلەمیا عێراقێ ئاماژە ب وێیەکێ ژی کریە، ل هەمی پارێزگەهێن باشور و ناڤەراستا عێراقێ دا ٣٠ کەسان ب سەدەما ڤایرۆسێ کۆرۆنایێ ژیانا خۆ ژ دەستدا نە، د دەمەکێ دا ل هەرێمێ چار حالەتێن ژیان ژ دەستدانێ هاتنە تومارکرن.
پشتی بەلاڤبوونا ڤایرۆسێ کۆرۆنایێ ل سالا ٢٠١٩ێ ل باژارێ وهانا چینێ، هەیا نها ل عێراقێ ٨٠٣ هزار و ٤١ کەس توشی ڤایرۆسی بوونە، هەڤدەم ٧٢٣ هزار و ٢٨٦ کەس چارەسەربوونە و ١٤ هزار و ٦٦ کەس ژی ب سەدەما ڤایرۆسی ژییانا خۆ ژ دەستدانە.
و.ح