فۆتۆ:
2021-03-23
1115 جار خوێندراوەتەوە
ژێدەرەکێ ئەولوکاریێ بۆ مەدیایێن عێراقێ راگەهاند، شەر دناڤبەرا دوو هۆزان دا ل پارێزگەها زیقار چێبوو و چار کەس هاتنە کۆشتن و ١٣ کەسێن دى ژى برینداربوون .
ئەو ژێدەرە دبێژیت، شەرێ دناڤبەرا هەردوو هۆزان دا ل ناحیا ئور ل روژئاڤایێ ناسرییە چێبوویە کو گرێدایی پارێزگەها زیقار و تێدا چەک هاتیە بکارئینان .
ل ١٣ ڤێ مەهێ و د مەراسیما ڤەشارتنا ئێک ژ سەرۆک هۆزێن عێراقێ ل باژارێ سەماوە یا سەر ب پارێزگەها موسەننا، ژبەر تەقەکرنێ کەسەک هاتە کۆشتن و سێ کەسێن دى برینداربوون.
لگورى یاسایین عێراقێ دیاردەیا هەلگرتنا چەکێ بێ مۆلەت ژئالیێ سەرۆک هۆزێن عێراقێ ڤە لگورەى ماددەیا تیرۆرێ سەرەدەریی دگەل دا دهێتەکرن هەرچەندە ئەڤ یاسایە هەیە،لێ دەستهەلات نەشیایە وێ ئاریشەیێ کۆنترۆل بکەن کو بوویە سەدەم سالانە چەندین کەس بهێنە کۆشتن.
