فۆتۆ:
2021-03-22
470 جار خوێندراوەتەوە
ساخلەمیا عێراقێ ڕاگەهاند، د ٢٤ دەمژمێرێن دەربازبوویدا، چار هزار و ٤٥٢ حالەتێن توشبوونێ ب کۆرۆنایێ ل عێراقێ تومارکرنە. ل هەرێمێ ژی، ٢٠٣ێ حالەتێن توشبوون و هەشت حالەتێن ژیان ژ دەستدانێ تومارکرنە.
ئەڤرۆ دووشەمبێ، وەزارەتا ساخلەمیا عێراقێ د ڕاگەهاندنەکێ دا بەحسا وێ یەکێ کریە، ل هەمی پارێزگەهێن باشور و ناڤەراستا عێراقێ چار هزار و ٦٥٥ توشبوون ب کۆرۆنایێ تومارکرنە، د دەمەکێ دا ل هەرێمێ ٢٠٣ توشبوون ب ڤایرۆسی تومارکرنە.
ل گۆرەی ڕاگەهاندنا وەزارەتا ساخلەمیا عێراقێ، ل هەمی پارێزگەهێن باشوور و ناڤەراستا عێراقێ سێ هزار و ٩٩٩ کەس ژ ڤایرۆسی چارەسەربوونە. د دەمەکێ دا ل هەرێمێ، ١٨٩ حالەتێن چارەسەربوونێ هاتنە تومارکرن و ژ وێ رێژێ ژی ل هەولێرێ ٧٦ کەس، سلێمانێ ٥٥، دهۆک ٥٨ کەس ژ وی ڤایرۆسی چارەسەربوونە.
وەزارەتا ساخلەمیا عێراقێ هەر د وێ ڕاگەهاندنێ دا ئاماژە ب وێیەکێ کریە، ل هەمی پارێزگەهێن باشوور و ناڤەراستا عێراقێ ٢١ کەسان ژیانا خۆ ژ دەستدایە، د دەمەکێ دا هەشت حالەتێن ژیان ژ دەستدانێ هاتنە تومارکرن.
پشتی بەلاڤبونا ڤایرۆسێ کۆرۆنایێ ل سالا ٢٠١٩ێ ل یاژارێ وەهانا چینێ، هەیا نها ل هەرێمێ ١١٥ هزار و ٦٦١ کەس تووشی ڤایرۆسێ کۆرۆنایێ بوونە، هەڤدەم، ١٠٦ هزار و ٨٣٩ کەس چارەسەربوونە و سێ هزار و ٥٩٨ کەس ژی ب سەدەما وی ڤایرۆسێ ژیانا خۆ ژ دەستدانە.
و.ح