فۆتۆ:
2021-03-22
600 جار خوێندراوەتەوە
جێگرێ سەرۆکێ پەرلەمانێ عێراقێ ڕاگەهاند، لهەڤهاتنا دناڤبەرا هەولێرێ و بەغدا نەهاتیە هەلوەشاندن و دبێژیت ژی، "کورد ژێ پەشێمان نەبووینە".
بەشیرحەداد جێگرێ سەرۆکێ عێراقێ بۆ دەنگێ ئەمریکا ڕاگەهاندیە، "لهەڤهاتنا دناڤبەرا هەولێرێ و بەغدا نەهاتیە هەلوەشاندن، لێ هندەک ئاریشەیێن دی هەنە، هندەک تێبێنی یێن دی لسەر پرۆژەیاسایا بودجەی برەنگەکێ گشتی، کو یاسایا بودجەی یاسایەکا گشتیە پەیوەندی ب هەمی عێراقێ و هەرێمێ و باژێرێن ناڤەڕاست و باشوری ژی ڤەهەیە".
ئاماژە بوێیەکێ ژیکر، "دەربارەی وان ئاریشەیێن هاتیە هەمبەری لهەڤهاتنا هەرێمێ و بەغدا، ئالیێن دی دبێژن ئاساییە و دێ چارسەرکەین و دگەل کوردان ئاریشە نامینن، لێ ئاریشا مەزن یا بودجەی ئاریشا غەیری کوردایە نە کوردن".
بەشیر حەداد دەربارەی پاشدائێخستنا جڤینا پەرلەمانی بەحس ل وێ یەکێ کر، کو ئەینیا بووری هەیاکو درەنگی شەڤ شاندێ هەرێمێ و لیژنەیا دارایی مژویلی گوتوبێژانبوون و بڕیاربوو هەر ل وێ شەڤێ لهەڤهاتن بهێتە پەسەندکرن، دبێژیت ژی، کو بۆ ڕۆژا پشترا چووینە پەرلەمانی، ژ هندەک گوتنان گوهلێبوویە کو گوتیە دبیت لهەڤهاتنێ گوهرانکاری تێدا هاتبنەکرن.
بەشیر حەداد ڕاگەهاند ژی، زانیە کو دوو بۆ سێ پەیڤێن لهەڤهاتنێ گوهرانکاری بسەردا هاتینە و ژبەر وێیەکێ شاندێ هەرێمێ رازی نەبوون ب وێ چەندێ، لێ پشتی وێیەکێ کو ئالیان گوتیە کو ئەو ئاسایە و دێ هێتە چارەسەرکرن.
پشتی چەندین جاران ژ پاشدائێخستا جڤینا پەرلەمانێ عیراقێ لسەر پرۆژە یاسایا بودجەیا سالا ٢٠٢١ێ، بسەدەما ناکوکیان لسەر چەند بڕگەیێن مادەیا ١١ێ کو تایبەتە ب پشکا هەرێما کوردستانێ، لهەڤهاتن بۆ دەسپێکا حەفتیا بهێت هاتە پاشدائێخستن.
م.م