فۆتۆ:
2021-03-21
414 جار خوێندراوەتەوە
شێورمەندەکێ سەرۆکایەتیا پەرلەمانێ عێراقێ بۆ ئێن ئاڕ تی ڕاگەهاند، شیعە دخازن گرنتیا ڕادەستکرنا پەتڕۆلێ بکەن، لێ هەرێمێ نەڤێت ب تەمامی پەتڕۆلێ رادەستی بەغدا بکەت.
ئەمین بەکر شێورمەندێ سەرۆکایەتیا پەرلەمانێ عێراقێ ئاماژە بوێیەکێ ژیکر، هەرێمێ دڤێت بەشەکێ پارەی ژ بەغدا وەربگریت و پەتڕولێ ژی رادەستنەکەت، د هەمبەردا شیعەیان دڤێت هەمی پەتڕۆلا هەرێمێ ب ئێخیتە ل ژێر چاڤدێریا سۆمۆیێ و لهەڤهاتنژی ببیتە کریاری، لێ هەرێم رازی نابیت و وەسا دبینن کو ب هەردەمی دەستهەلات بسەر پەتڕۆلێدا نامینیت.
ئەمین بەکر دبێژیت ژی، "ل سالا ٢٠١٢ێ هەیا نها هەرێمێ چ بەشێ پەتڕۆلێ رادەستی بەغدا نەکریە".
دەما زێدەتر ژ سێ مەهانە هەرێم و بەغدا د پەیوەندیێدانە لسەر پۆژەیاسایا بودجەی و هەیا نها ژی ١٧ جاران شاندێ هەرێمێ سەرەدانا بەغدا کریە، دەربارەی وێ یەکی چەند جارەکان گەهشتن ب لهەڤهاتنێ ڕاگەهاندیە، لێ هێشتا نەگەهشتینە لهەڤهاتنێ و نەچویە د بوارێ دێبەجێکرنێ دا.
هەڤدەم، ئەو لهەڤهاتنا شەڤا ١٩ی ڤێ مەهێ لسەر پشکا کوردان کری هەلوەشیایە
هـ.إ