فۆتۆ:
2021-03-21
393 جار خوێندراوەتەوە
ئەندامەکێ لژنا کار و کاروبارێن جڤاکی ل جڤاتا نوینەرێن عێراقێ ڕاگەهاند، نێزیکی ١٥ ملیۆن کەس د وەلاتی دا بێکارن و پتریا وان ژی گەنجن.
فازل فەتلاوی ئەندامێ لژنا کاروکاروبارێ جڤا ل جڤاتا نوینەرێن عێراقێ بۆ میدیایێ ڕاگەهاند، ل گۆرەی داوی ئامار ١٥ ملیۆن کەس ل عیراقێ بێکارن.
بەحسا وێیەکێ ژی کر، پرۆژەیاسایا خانەنشینی و پشتراستیا جڤاکی ئامادەیە بۆ خاندنا دووێ هەیا دەنگ لسەر بهێتە دان.
ئاماژە ب وێیەکێ ژی کریە، پێتڤیە دەستکاری د موچەیێ چاڤدێرێن جڤاکی دا نەهێتە کرن، ژبەر کو دێ کاریگەریا ڕاستەوخۆ بسەر هزاران خێزانێن هەژار وان ژنان دا هەبیت، کو هەڤژینێ وان نەمایە یان جودابوونە.
بەحسا وێیەکێ ژی کر، سالانە زێدەتری ٤٥ هزار گەنج ل زانکو و پەیمانگەهان دەردچن و بەشەکی کێم ل وان دهێنە دامەزراندن.
ل گۆرەی ئامارێن نەفەرمی، ژمارا ئاکنجیێن عێراقێ ٤٠ ملیۆن کەسە، د دەما دەربازبووی دا ب سەدەما سەرهلدان و بەلاڤبوونا ڤایرۆسێ کۆرۆنایێ و داکەتنا بهایێ پەتڕۆلێ و داخستنا دەرازینکێن سنوری و سستبوونا لڤینێن بازرگانی رووبروویێ قەیرانەکا دژوارا ئابووری و دارای بوویە.
و.ح