شیلان شاکر هەڤسەرۆکا تەڤگەرا ئازادى
فۆتۆ:
2018-12-14
180 جار خوێندراوەتەوە
تەڤگەرا ئازادى ئامادەکاریان بۆ دووەم کونگرەیێ خوە دکەت و دبیژیت، کونگرەیێ مە بەرسڤەکە بۆ وان ئالیان یێن ب ژڤان بوون ئاستەنگان بخەنە هەمبەرى کارێن مە .
شیلان شاکر هەڤسەرۆکا تەڤگەرا ئازادى بۆ دیجیتال میدیایا ئێن ئاڕ تى ڕاگەهاند، ئامادەکاریان دەستپێکرنە ژ بووى ئەنجامدانا دووەم کونگرەیێ تەڤگەرا ئازادى ل هەرێمێ، بۆ ڤێ مەرەمێ ژى ئەڤرۆ ل باژارێ سلێمانیێ ب پشکداری کرنا پترى ١٠٠ کادرێن تەڤگەرێ کونفرەنسا ناڤخۆەی هات ئەنجام بدەن.
ڕاگەهاند ژى، "بۆ ئامادەکاریێن کونگرەى د چەند ڕۆژێن داهاتى دا ل هەمى باژارێن هەرێما کوردستانێ و وان باژارێن وان بارەگەهێن حزبى لێ هەین دێ کونفرەنسێ خوە دێ ئەنجام دەین بۆ ئامادەکاریێن کونگرەى".
زەلال ژى کر، ئارمانج ژ کونگرەى هەوارکرنا ڕەشنڤیسا پەیرەوێ ناڤخۆە و گۆتۆبێژکرنە لسەر هەلبژارتن بۆ هەڤسەرۆک و ئەندامێن جڤاتا وێ حزبێ یە.
ئەڤە ژى پشتى وێ یەکێ هات کو د دەما بوورى دا دەزگەهێن ئەولەهیێ ب بەهانەیا نەبوونا مولەتێ تەڤگەرا ئازادى هایدارکربوو کو بارەگەهێن خوە چوول بکەن، هەڤدەم شیلان شاکر ڕاگەهاند، چەند سالە داخۆازا مولەتێ ژ حکومەتا هەرێمێ دکەین لێ چ بەرسڤ نەداینە.
م.ن