فۆتۆ:
2018-12-14
890 جار خوێندراوەتەوە
دیجیتال میدیایا ئێن ئاڕ تى، شنگال، نزیر شنگالى
ئەڤرۆ نادیا موراد ژ بووى سەرەدانا چەژنا شکاندنا ڕۆژیێن ئیزیدیان سەردەدانا پەرستگەها لالش و سەنتەرێ قەزا شنگالێ کر.
نوچەگەهانێ دیجیتال میدیایا ئێن ئاڕ تى ڕاگەهاند، نادیا موراد کچە ڕزگاربوویا دەستێن چەکدارێن داعش، ئەڤرۆ ڕۆژا ئەینى (١٤ێ کانونا ٢٠١٨ێ) بمەرەما پیرۆزکرنا جەژنا ڕۆژیشکاندنا ئیزیدیان پشکدارى د پیرۆزکرنا چەژنێ دا کر و سەرەدانا پەرستگەها لالش و سەنتەرێ قەزایا شنگالێ کر، ژ ئالیێ کوردێن ئیزیدى و بەرپرسێن حکومى و حزبى و خەلکێ دەڤەرێ پێشوازى لێ هات کرن.
زەلال ژى کر، نادیە موراد سەرەدانا هەر یەک ژ گوندێ کۆچۆ و تل قەسب و سولاغێ کر، و داخواز درۆستکرنا موزەخانەیەکێ و پەرتوکخانەیەکێ د ئاڤاهیێ خواندنگەها سولاغێ دا کر ژببوى دیارکرن و نیشاندانا کارەساتا شنگال و دەڤەرێ بۆ وان کەسێن سەرەدانا دەڤەرێ دکەن، کو دەما د دەستێ چەکدارێن داعش دا دەمەکێ د وێ خواندنگەهێ دا مابوو.
دیار ژى کر، هەروەسا نادیە موراد سەرەدانا کەمپا سەردەشت ل سەرێ چیایێ شنگالێ و نەخوشخنەیا شنگالێ کر و لگورى زانیاریان دبیت نەخوشخانا شنگالێ ژ ئالیێ نادیە موراد ڤە بیت نوژەن کرن.
هەروەسا دیار کر، سەرەدانا خوە بۆ کومپا ئاوارەیێن سەردەشت ل سەرێ چیایێ شنگالێ بر و داخوازا ڤەگەراندنا هەمى وان ئیزیدیێن هەیا نها د کەمپان دا ماین کر، ب لەزترین دەم بێن ڤەگەراندن ژ بووى دەڤەرێن وان.
نادیە موراد ژ دایکبوویا سالا ١٩٩٣ێ یە، کچا چالاکڤانا ئێزدییە کو ژ ئالیێ دەولەتا ئیسلامی ل عێراقێ و شامێ ل تەباخا ٢٠١٤ێ هاتبوو ڕەڤاند پشترا ئازادبوو.
پشتى ئازادکرنێ ژى شیا هەڤدیتنێ دگەل چەند کەسایەتیێن جیهانێ و سەرۆکێن ولاتان دەربارێ ڕەوشا ئێزیدییان و ئازارێن کچ و ژنێن شنگالێ ئەنجام بدەت و ل سالا ٢٠١٦ێ ژى ژ ئالیێ نەتەوەیێن هەڤگرتى ڤە، بو بالیۆزا نیازپاکی یا نەتەوەیێن هەڤگرتى.
ڕۆژا ئەینیێ (٥ێ جوتمەها ٢٠١٨)، پەیمانگەھا نەرویجی خەلاتێ نۆبل ل ئۆسلۆیا پایتەختێ نەرویجی د مەرسیمەکێدا نادیە موراد و دێنیس موکوێگی وەک ھەلگرێن خەلاتێ نۆبل یێ ئاشتیێ ڕاگەھاندن.
م.ن