بالافرێن شەری یێن تورکیایێ دەڤەرا نێروە و ڕێکان بۆمبەبارانکرن
فۆتۆ: فۆتۆ: ئێن ئاڕ تى
2018-12-14
438 جار خوێندراوەتەوە
دیجیتال مەدیایا ئێن ئاڕ تی، ئامێدی، نیھاد ئورەماری
بەریا دەمەکێ کێم بالافرێن شەری یێن تورکیایێ دەڤەرا نێروە و ڕێکان بۆمبەبارانکرن.
نووچەگەھانێ دیجیتال مەدیایا ئێن ئاڕ تی دازانین، بەریا دەمەکێ کێم بالافرێن شەری یێن ئاڕتێشا تورکیایێ دووجاران سنورێ گوندێ شاجا ل دەڤەرا نێروە و ڕێکان یا سەر ب قەزا ئامێدیێ بۆمبەبارانکرن.
ھەروەسا ڕاگەھاند، ئەو بۆمبەبارانە دەمەکێ دا بوویە کو ھەژمارەکا وەلاتیان د بھێنڤەدانا داوییا حەفتیێ دا قەستا وێ دەڤەرێ کرنە، ھەیا نھا زارار و زیانێن وێ بۆمبەبارانێ ژی نەھاتنە زانین.
ئەڤە ژی دەمەکێ دایە، ل ڕۆژا ١٤ێ مژدارا ئیسال بالافرێن شەری یێن تورکیایێ گوندێ ئەرەدنا یێ سەر ب ناحیا سەرسنکێ یا گرێدایی قەزا ئامێدیێ بۆمبەبارانکر، د ئەنجام دا سێ وەلاتیێن سڤیل جانێ خوە ژدەستدان.
س.م