ل هەمبەر ئاڤاهیێ نەتەوەیێن هەڤگرتى
فۆتۆ: فۆتۆ: ئەرشیف
2018-12-14
413 جار خوێندراوەتەوە
ل دژی ھێرشێن تورکیایێ بۆ سەر ھەردوو قەزایێن شنگال و مەخمور، پشتی نیڤرۆیا ئەڤرۆ (١٤ێ کانونا ٢٠١٨ێ) پشکەک ژ ئاکنجیێن مەخمورێ مەراسیمەک ڕیکخستن و چوونە ھەمبەر نوینەراتیا نەتەوەیێن ھەڤگرتی ل کەمپا مەخمور.
مەراسیم ژئالیێ ڕێکخراوا بنەمالا شەھیدان ھات ڕێکخستن و ل ھەمبەر ناڤەندا چاند و ھونەریا مەخمورێ دەستپێکرن و ب ڕێپیڤانێ چوونە ھەمبەر نوینەراتیا نەتەوەیێن ھەڤگرتی ل کەمپا مەخمور.
د مەراسیمێ دا کو ب ھزاران کەس بەرھەڤبوون، تێدا بێ ھەلۆیستیا نەتەوەیێن ھەڤگرتی ل ھەمبەر ھێرشێن تورکیایێ بۆ سەر قەزا شنگالێ و مەخمورێ شەرمزارکرن، ھەروەسا داخواز ژ نەتەوەیێن ھەڤگرتی کرن ل ھەمبەر وان ھێرشان بێ دەنگ نەمینە و ھەلۆیستێن ڕژد ھەبن.
پشترا ب پشکداریا پشکەک ژ ئاکنجیێن مەخمورێ، ب مەراسیمەکا تایبەت ئەو چار ژنێن د ئەنحاما ھێرشێن شەڤا بووری یێن بالەفرێن تورکیا جانێ خوە ژ دەستداین ھاتن ڤەشارتن.
شەڤا بووری (١٣ێ کانونا ٢٠١٨ێ) دەمژمێر ٩:٥ خولەک، زیدەتر ژ ٢٠ بالافرێن ئارتێشا تورکیایێ، کەمپا مەخمورێ یا ئاوارەیێن باکورێ کوردستانێ و شنگال بۆمبەباران کرن و ل گۆری ئامارێن ھەری داوی، ل مەخمورێ ٤ ژن شەھید بوون کو سێ ژ وان ژ یەک مالباتێ نە و ھەژمارەک کەس ژی بریندار بوون.
س.م