هەدەپە: ئەردۆگان بۆ کۆمکرنا دەنگێن نەژادپەرستان، کوردان بۆمبەباران دکە
فۆتۆ:
2018-12-14
195 جار خوێندراوەتەوە
هەڤسەرۆکێن گشتی یێن هەدەپێ پەروین بولدان و سەزایی تەمەلی دیار کرن، ئاکەپە ب بۆمبەبارانان، دخوازە د هەلبژارتنێن شارەداریان دە، دەنگێ نەتەوەپەرستان بدەست بینە.
پەروین بولدان و سەزایی تەمەلی د داخویانیەکا نڤیسکی یا هەڤپار دە دیارکرن، ئەردۆغان ب بۆمبەبارانکرنا شنگال و مەخمورێ، دخوازە د هەلبژارتنێن شارەداریان دە کو بریارە د ٣١ێ ئادارا ٢٠١٩ان دە بێن کرن، دەنگێ تورکێن نەتەوەپەرست ب دەست بخە.
د داخویانیا هەڤسەرۆکێن هەدەپێ دە تێ گۆتن:" هێرشێن ئەردۆغان ژ ئالیێ مرۆڤی، یاسایی، ناڤنەتەوی و سیاسی ڤە نایێن قەبۆلکرن."
هەڤسەرۆکێن هەدەپێ داخواز ژ ئەردۆغان کرن، دەست ژ هەلوێستێن خوە یێن نە دجهـ دا بەردە و داخواز ژ رایا گشتیا جیهانێ کرن، ل هەمبەر هێرشێن تورکیایێ بێدەنگ نەمینن.
دوهی ١٣ێ کانونا ٢٠١٨ان د دەمژمێر ٩ و پێنج دەقەیان دە، دەڤەرێن گرعۆزێر و گەلیێ شلۆ یێن شنگالێ و کەمپا مەخمور و چیایێ قەرەچۆخێ ل مەخمورێ بۆمبەبارانکرن.
د ئەنجاما بۆمبەبارانێ دە ٤ وەلاتیێن سڤیل یێن کەمپا مەخمورێ شەهید بوون، کو سێ ژوان ئەندامێن یەک مالباتێ نە.
خولوسی ئاکار سەرۆک ئەرکانێ ئارتێشا تورکیا راگەهاند، زێدەتر ژ ٢٠ بالافرێن شەر و بالافرێن کەشفێ تەڤلی هێرشا سەر مەخمور و شنگالێ بوونە و ٣٠ ئارمانج هاتنە بۆمبەبارانکرن.
هـ.ج