مەحما خەلیل: رێکا شنگالێ ژ ئالیێ سەرۆکاتیا ئۆپەراسیۆنێن موسلێ ڤە هاتیە گرتن
فۆتۆ:
2018-12-14
301 جار خوێندراوەتەوە
دیجیتاڵ میدیایا ئێن ئاڕ تی ، بێوار حلمی
مەحما خەلیل قایمقامێ بەرێ یێ شنگالێ راگەهاند، رێکا شنگالێ ژ ئالیێ سەرۆکاتیا ئۆپەراسیۆنێن موسلێ ڤە هاتیە گرتن.
مەحما خەلیل د داخویانیەکێ دا بۆ دیجیتال میدیایا ئێن ئاڕ تی راگەهاند، دەمژمێر ٦ێ ڤێ سپێدێ، ل ناحیەیا سحێلا رێکا ناڤبەرا دهۆک و شنگالێ هاتبوو گرتن و ب تەنێ رێک ب نادیە موراد هاتە دان کو ل خالا کۆنترۆلێ یا هیزێن عێراقێ دەرباس ببە.
قایمقامێ بەرێ یێ شنگالێ هەروەسا دازانین، رێکا شنگالێ ب هێجەتا رێکارێن ئەولەهیێ ژ ئالیێ سەرۆکاتیا ئۆپەراسیۆنێن موسلێ ڤە هاتیە گرتن و چ دەمەک ژی بۆ ڤەکرنا رێکا ناڤبەرا دهۆک و شنگالێ نەهاتنە دیارکرن.
هەر سال د ڤێ رۆژێ دە، کوردێن ئێزدی ل کوردستان و جیهانێ جەژنا ئێزی کو وەکی جەژنا رۆژیان ژی تێ بناڤکرن، پیرۆز دکن و هەر مالەک قوربانیەکی دکە و وەکی عرف و عەدەتەکێ کەڤن، سەردانا هەڤدوو دکن.
هـ.ج