محەمەد حەلبوسی: ئەم لدژی هەر جورە هێرشەکا بیانی بۆ سەر ئاخا عێراقێ نە
فۆتۆ:
2018-12-14
935 جار خوێندراوەتەوە
دیجیتال میدیایا ئێن ئاڕ تی ، لالش ، تاییف گۆران
محەمەد حەلبوسی سەرۆکێ پارلەمانا عێراقێ ل لالشێ راگەهاند، ئەو وەکی پارلەمانا عێراقێ هەر جورە هێرشەکا بیانی بۆ سەر ئاخا عێراقێ نە.
محەمەد حەلبوسی سەرۆکێ پارلەمانا عێراقێ و فەرهاد ئەترۆشی پاریزگارێ دهۆکێ و شاندەیەکێ ب هەلکەفتا جەژنا ئێزی سەردانا لالشێ کرن و سەرۆکێ پارلەمانا عێراقێ د داخویانیەکێ دە بۆ رۆژنامەڤانان، جەژنا ئێزدی پیرۆز کر.
د بەشەکا دن یا ئاخافتنێن خوە دە حەلبوسی بالکشاندە سەر هیرشا دوهی ب شەڤ یا بالافرێن ئارتیشا تورکیا بۆ سەر شنگال و مەخمورێ و هێرشا بالافرێن تورکیا شەرمەزار کر و دازانین، ئەو وەکی پارلەمانا عێراقێ هەر جورە هێرشەکا بیانی بۆ سەر ئاخا عێراقێ نە و هەولا راوەستاندنا بۆمبەبارانا بالافرێن تورکیا ددەن.
ژ ئالیەکی دن ڤە ئیسمەت میر تەحسین بەگ نونەرێ میرێ ئێزدیان بۆ دیجیتال میدیایا ئێن ئاڕ تی راگەهاند، ئەو دەستوەردان هەر هێزەکا بیانی بۆ سەر ئاخا عێراقێ رەت دکن و بۆمبەبارانا تورکیا ژی شەرمەزار دکەن.
ئیرۆ د مەراسیمەکا جەژنا ئیزدی ل چیایێ لالشێ، نادیە موراد خوەدانا خەلاتا نۆبلا ئاشتیێ گۆتارەک پێشکێش کر و دازانین، ب سەدەما خرابیا رەوشا ئەولەهی و نەبوونا خزمەتگوزاریان ئاوارەیێن ئێزدی بۆ وارێن خوە ڤەنەگەریانە.
زێدەتر ژ چار سال ب سەر ئازادکرنا قەزایا شنگالێ ژ دەستێ چەکدارێن داعشێ رە دەرباس دبن و ل گۆری ئامارەکا سازیا ئێن ئاڕ سی یا نەرویجی، زیدەتر ژ ٢٠٠ هەزا وەلاتیێن ئێزدی ئاوارەبوونە.
هـ.ج
