میتۆلۆژیا جەژنا ئێزی و گرنگیا وێ
فۆتۆ:
2018-12-14
346 جار خوێندراوەتەوە
کوردێن ئیزدی ل کۆمەلگەها شاریا یا دهۆکێ، جەژنا ئێزی پیرۆزکرن و مامۆستایەکێ زانینگەهێ ژی، ڤێ رۆژێن وەکی، رۆژا یەکگرتنا ئێزدیان ب ناڤ دکە.
خدر دوملی مامۆستا و لێکۆلەرێ زانینگەهێ بۆ ئێن ئاڕ تی دیار کر، جەژنا ئێزدی د ناڤ کوردێن ئیزدی دە، رۆژەکا پیرۆزە و د میتۆلۆژیا ئێزدیان دە، ئەڤ رۆژ، رۆژا یەکگرتنێ یە. ل گۆری تێکستێن ئۆلی یێن ئێزدیان کو وەکی قەول تێن ناسکرن، دەما کو ئیبراهیم پێغەمبەر خوەدا ناس کر، ژ بەر گرنگیا عەور و ستێرک و رۆژێ و سپاسیەک بۆ ئافرینەرێن خوەدێ ئەڤ سێ رۆژ وەکی رۆژێن پیرۆز دەستنیشانکرن، خەلکێ ئێزدی د ڤان سێ رۆژان دە ب رۆژی دبن.
خدر دوملی، دازانین، د ڤان سێ رۆژان دە، نە تەنێ کوردێن ئیزدی نان و ئاڤێ ناخۆن، بەلکو پێدڤیە ژ دل و دەروون و چاڤێن خوە ژی ب رۆژی بن. ئەڤ یەک ژی دەردخینە هۆلێ کو ئێزدی خوەدێ ناس دکن و وەکی گەلەک گەلێن دن، ل هەمبەر خوەدێ خوە دتەڤینن و خوەدێ دپەرستن.
مامۆستا و لێکۆلەرێ زانینگەهێ دبێژە، ئێزدی ب پێکئانینا ئەرکێن ئۆلی ژ جیهانێ رە خویا دکن کو ئۆلا وان ب تەنێ ب ئاخافتن نینە و پراکتیکی یە و خوەدی تایبەتمەندیێن خوە نە.
خدر دوملی هەروەسا دازانین، ئەڤ رۆژ، رۆژا پێکڤە ژیانێ یە و پێدڤیە هەموو ئۆلێن دن ژی رێزێ لێبگرن و گرنگیا ڤێ رۆژێ بزانن.
هـ.ج