ئیرۆ جەژنا ئیزدیایە، لێ هیزێن پارتیێ ل سحێلا رێ نادن، ئێزدی سەردانا شنگالێ بکن
فۆتۆ:
2018-12-14
1073 جار خوێندراوەتەوە
دیجیتاڵ میدیایا ئێن ئاڕ تی ، شنگال ، نەزیر شنگالی
نێزیکی ١٠٠ وەلاتیێن شنگالێ کو ب ئارمانجا پیرۆزکرنا جەژنا ئێزی دخواستن سەردانا شنگال و دەردۆرێ وێ بکن، ژ ئالیێ هێزێن پارتیا دەموکراتا کوردستانێ هاتن ئاستەنگکرن.
نووچەگەهانێ دیجیتاڵ میدیایا ئێن ئاڕ تی ل شنگالێ راگەهاند، نێزیکی ١٠٠ وەلاتیێن ئێزدی ئیرۆ ١٤ێ کانونا ٢٠١٨ان، ب ئارمانجا پیرۆزکرنا جەژنا خوە، بەر ب قەزایا شنگال و دەردۆرێ وێ ، برێکەتن، لێ ل خالا کۆنترۆلێ یا سهێلێ رێگری ل وان هاتە کرن.
هەروەسا دازانین، هەولێن وەلاتیان داکو دەرباسی شنگالێ ببن بەردەوامن، لێ بەرپرسێن خالا کۆنترۆلا سحێلا دیارکرنە کو فەرمانەک بۆ وان هاتیە و نابە وەلاتی سەردانا شنگالێ بکن.
نووچەگەهانێ دیجیتاڵ میدیایا ئێن ئاڕ تی ل شنگالێ هەروەسا گۆت، ب تەنێ رێ ب نادیە موراد خوەدیا خەلاتا نۆبلا ئاشتیێ و هەژمارەک کەسێن د گەل وێ هاتیە دایین سەردانا شنگالێ بکە.
هەر سال د ڤێ رۆژێ دە، کوردێن ئێزدی ل کوردستان و جیهانێ جەژنا ئێزی کو وەکی جەژنا رۆژیان ژی تێ بناڤکرن، پیرۆز دکن و هەر مالەک قوربانیەکی دکە و وەکی عرف و عەدەتەکێ کەڤن، سەردانا هەڤدوو دکن.
هـ.ج
