هێرشێن تورکیا بۆ سەر شنگال و مەخمورێ، ل ئەلمانیا و نەمسایێ هاتن شەرمەزاکرن
فۆتۆ:
2018-12-14
250 جار خوێندراوەتەوە
هێرشێن تورکیا بۆ سەر شنگال و مەخمورێ، ل ئەلمانیا و نەمسایێ، ژ ئالیێ وەلاتیێن کورد ڤە هاتە شەرمەزاکرن و داخوازا یەکگرتنا کوردان ل هەمبەر هێرشێن تورکیا هاتە کرن.
وەلاتیێن کورد ل باژارێ حایپتپلازێ ل هەڤ جڤیان و داخواز ژ جڤاکا ناڤدەولەتی کرن کو لدژی هێرشێن تورکیا بۆ سەر کوردان بێدەنگ نەمینن و هەلوێستەکا جددی نیشان بدن.
ل بەرلینا پایتەختا ئەلمانیایێ ژی وەلاتیێن کورد ل پێشیا بالیۆزخانەیا ئەمریکایێ کۆم بوون و داخواز کرن، رێ ل هێرشێن تورکیا بێن گرتن.
هەروەسا حکومەتا ئەلمانیایێ ژی هاتە رەخنە کرن کو ب بەردەوامی ئالیکاری و پشتگیریا حکومەتا تورکیا دکە.
دوهی ١٣ێ کانونا ٢٠١٨ان د دەمژمێر ٩ و پێنج دەقەیان دە، دەڤەرێن گرعۆزێر و گەلیێ شلۆ یێن شنگالێ و کەمپا مەخمور و چیایێ قەرەچۆخێ ل مەخمورێ بۆمبەبارانکرن و ل مەخمورێ ٤ ئەندامێن هێزێن پاراستنا کەمپا مەخمورێ شەهید بوون.
هـ.ج
