هەژمارا شەهیدێن هێرشا بالافرێن تورکیا بۆ سەر کەمپا مەخمورێ بۆ ٤ کەسان بلند بوو
فۆتۆ: ANF
2018-12-14
232 جار خوێندراوەتەوە
هەژمارا شەهیدێن هێرشا بالافرێن تورکیا بۆ کەمپا مەخمورێ بۆ ٤ کەسان بلند بوو و میدیایێن پەکەکێ ژی دیمەنێن پشتی بۆمبەبارانێ بەلاڤ کرن.
ئاژانسا نووچەیان یا فوراتێ راگەهاند، د ئەنجاما هێرشا بالافرێن ئارتێشا تورکیا بۆ سەر کەمپا مەخمور و چیایێ قەرەچۆخێ دە، ٤ ئەندامێن هێزێن پاراستنا کەمپێ شەهید بوونە.
هەروەسا دازانین، شاندەیەکا لەشکەری یا حەشدا شەعبی ژی دەرباسی ناڤ کەمپێ بوویە و جهێن کو هاتنە بۆمبەبارانکرن، لێکۆلین کرنە، لێ بێ کو داخویانیێ بدن، ژ کەمپێ دەرکەتنە.
ژ ئالیەکی دن ڤە میدیایێن پەکەکی دیمەنێن پشتی هێرشا بالافرێن تورکیا بەلاڤ کرن کو هەژمارەک بارەگەهێن هێزێن پاراستنا کەمپا مەخمورێ کربوو ئارمانج و خەلکێ کەمپێ ژی بۆ شەرمەزارکرنا هێرشێن تورکیا، هەیا ئیرۆ سەرێ سبێ، د ناڤ کۆلانان بوون.
دوهی ١٣ێ کانونا ٢٠١٨ان د دەمژمێر ٩ و پێنج دەقەیان دە، دەڤەرێن گرعۆزێر و گەلیێ شلۆ یێن شنگالێ و کەمپا مەخمور و چیایێ قەرەچۆخێ ل مەخمورێ بۆمبەبارانکرن.
هـ.ج