سەلاحەدین دەمیرتاش هەڤسەروکێ بەرێ یێ پارتا دیموکراتا گەلان هەدەپە
فۆتۆ:
2018-12-14
194 جار خوێندراوەتەوە
ل ڕوونشتنا نوزدەهەمین دادگەها سزایێن گران یێن ئەنقەرێ دا بڕیارا بەردەوامییا دەستەسەرکرنێ بۆ سەلاحەدین دەمیرتاش هەڤسەروکێ بەرێ یێ پارتا دیموکراتا گەلان هەدەپە هات دەرکرن.
دەمیرتاش د ڕوونشتنا دادگەهێ دا کو هەژمارەکا پەرلەمانتارێن ئەوێ حزبێ ژی د ئامادەبوون ڕاگەهاند، لسەر بنەمایێ بڕیارا دادگەها مافێن مرۆڤی یێن ئەورووپایێ ژ ئالیێ پارێزەران ڤە داخوازا ئازادکرنا وی هات کرنە، لێ هەیا نها بڕیارا دەستەسەرکرنا وی بەردەوامە.
ڕاگەهاند ژی هەر دادگەهەکا پێگیر ب بڕیارێن دادگەها مافێن مرۆڤی یا ئەورووپایێ نەبیت، ئەڤە بێ لایەنیا خوە ژ دەست ددە.
پشتی وەرگرتنا گوتنێن سەلاحەدین دەمیرتاش، دۆزگەرى بڕیارا بەردەوامبوونا دەستەسەرکرنا دەمیرتاشی دا.
هەڤدەم بڕیارهات داین کو ڕوونشتنا دادگەهێ ل ٢٣ و ٢٤و ٢٥ێ کانونێ بەردەوام بیت.
ڕۆژا ٤ێ مژدارا ٢٠١٦ێ هەڤسەروکێ پارتا دیموکراتا گەلان سەلاحەدین دەمیرتاش و فیگەن یوکسەکداغ ب تومەتا پروپاگەندەکرنێ بۆ پارتا کرێکارێن کوردستانێ و چەند تومەتێن دن هاتن دەستەسەرکرن و بۆ زیندانا باژارێ ئەدرنە هاتن شاندن.
م.ن