فۆتۆ:
2021-06-30
116 جار خوێندراوەتەوە
ل گورەی زانیاریێن ئێن ئاڕ تی ل داویا جڤینا جڤاتا وەزیران عەلی عەلاوی وەزیرێ دارایی یێ عێراقێ نەرازیبوویە لسەر هنارتنا ٢٠٠ ملیاران بۆ هەرێما کوردستانێ، بسەدەمێ وێیەکێ هەرێم چ تشتەکی د هەمبەردا بۆ وی پارەی نادەت.
ئومێد محەمەد نووچەگەهانێ ئێن ئاڕ تی ل بەغدا دبێژیت، هەر ل دەستپێکێ وەزیرێ دارایی رازینەبوویە ب هنارتنا وی کوژمێ پارەی وەکو پێشینە بۆ هەرێمێ، حەتا سێ جڤینان بەریا نها هەر وەزیرێ دارای ل دژی بڕیارێ بوو.
دبێژیت ژی، وەزیرێ دارایی ب پشتەڤانیا پشکەک ژ حزبێن شیعەیان دژی هنارتنا وی پارەینە و ئیمزا لسەر بڕیارێ ناکەت.
عەلی عەلاوی وەزیرێ دارایی یێ عێراقێ بەحسا وێیەکێ ژی کر، هەرکەسەکێ بڤێت پارەی بۆ هەرێمێ بهنێریت پێتڤیە ئەوبخۆ بچیتە بن وێ رەوشێ و پێتڤیە هنارتنا پارەی ل گورەی لهەڤهاتنێ بیت.
رۆژا ١٥ی ڤێ مەهێ وەزارەتا داراییا عێراقێ ڕاگەهاند، ڤێ مەهێ ٢٠٠ ملیار دیناران بۆ هەرێما کوردستانێ دێ هنێریت وەک پێشینە و ئەو بتنێ پێشینەیە و د هەمبەر دا هەرێم چ داهاتەکی نادەت.
بەریا نها، بەشیر حەداد جێگرێ سەرۆکێ پەرلەمانێ عێراقێ ڕاگەهاندبوو، بەری داویا ڤێ مەهێ کوژمێ ٢٠٠ ملیاران دێ گەهیتە هەرێمێ، لێ د نهادا وەزیرێ دارایی وێ بڕیارێ ئیمزا ناکەت
هـ.ئـ