فۆتۆ:
2021-06-30
338 جار خوێندراوەتەوە
پشتی ل شەفا دەربازبووی ١٧ کەسان سەرەدانا خارنگەهەکا ماسیان کری ل سنورێ قەزا بەردەرەش بۆ خارنا ماسیان و ب وی سەدەمی هەر هەمی ژەهراویبووین و رەوانەی نەخۆشخانێ کرین، د نهادا هژمارا وان حەت جاران هند لێ هاتیە.
نەشوان توفیق بەرپرسێ ڕاگەهاندنا ساخلەمیا قەزا بەردەڕەش بۆ ئێن ئاڕ تی ڕاگەهاند، ل شەڤا دەربازبووی ل سنورێ قەزا بەردەرەش، پشتی ١٧ کەسان سەرەدانا خارنگەهەکا ماسیان کری ل سنورێ قەزا بەردەرەش بۆ خارنا ماسیان و پشتی ژ خارنگەهێ دەرکەفتین ئەڤرۆ هەمی ژەهراویبووینە و سەرەدانا سەنتەرێ خازر ل بەردەرەش یێ ساخلەمیێ کریە.
ئاماژە ب وێیەکێ ژی کریە، لژنەیا قائیمقامیا قەزا بەردەرەش و ساخلەمیێ، سەرەدانا وێ خارنگەهێ کریە بۆ ڤەکۆلینان، نمونەیێن خارنێ رەوانەی دهۆکێ کرینە بۆ پشکنین کرنێ لسەر خارنا وان.
ل دەستپێکێ هاتە ڕاگەهاندن، کو ١٧ کەس ژەهراویبووینە، لێ د نهادا بووینە ١٣٢ کەس، کو ئەوێن سەرەدانا نەخۆشخانا ئاکرێ یا هەوارهاتنێ کرین ١١٥ کەس بوون و ١٧ کەسان ژی سەرەدانا بنگەهێ خازر ل بەردەرەش کربوو.
دەربارەی رەوشا نەخۆشان ژی دبێژیت، د نهادا چارەسەری بۆ تەڤایا نەخۆشان هاتیە کرن و رەوشا وان یا جێگیرە.
بەحسا وێیەکێ ژی کر، کو هەیا نها سزا بۆ نەهاتیە دانان بتنێ هاتیە دائێخستن و ل چاڤەرێی ئەنجامێن پشکنینێ نە.
هـ.ئـ