فۆتۆ:
2021-06-30
284 جار خوێندراوەتەوە
رزگار کوچەر نووچەگەهانێ ئین ئاڕ تی د رومالا ئاگربەربوونا کۆگەها مۆبیلیاتان یا سەر جاددا ٦٠ مەتری هەولێر دا ڕاگەهاند، ئاگر هاتیە کۆنترۆلکرن، خۆدانێ مۆبیلیاتێ ژی دبێژیت، بسەدەمێ سپلێتا دناڤ مۆبیلیاتێ دا ئاگر بەربوویێ.
دبێژیت ژی، چەندین تیمێن بەرەڤانیا باژێری ل کوگەهێ مژویلی کۆنترۆلکرنا ئاگری بوون و مەترسیا هەرفینا ئاڤاهی ژی هەبوو، چۆمان محەمەد نووچەگەهانێ ئێن ئاڕ تی ڕاگەهاند، تیمێن کارەبا هەولێرێ ژی گەهشتنە جهێ بوویەرێ و مژویلی چارەسەرکرن و قەتاندنا وان تێلێن کارەبێ یێن شەوتی بوون.
نەبەز عەبدولحەمید قائیمقامێ هەولێرێ دبێژیت، ژێدەرێ ئاگری یێ دیار نینە لێ دبیت ژ موالیدەیێ کوگەهێ بیت، ئەوژی دیارکریە، کو چ زەرەرێن گیانی نەبوون، لێ زەرەرێن ماددی یێن مەزن ل دویف خۆدا ئیناینە.
خۆدانێ مۆبیلیاتێ ژی دبێژیت، سپلێت تەقیایە و بوویە سەدەمێ بەرفرەهبوونا ئاگری.
گوتژی، ناهێتە زانین زەرەر چەندن، گازندە ژی ژ تیمێن ئاگرڤەرمراندنێ هەیە و دبێژن، تیمێن ئاگرڤەمراندنێ درەنگ گەهشتنە وی جهی.
ئاگر ل نێزیک دەمژمێر ١١ و ٣٠ خولەک بەری نیڤرۆ بەربوویێ و زێدەتر ژ دەمژمێرەکێ بەردەوامبوو.
هـ.ئـ