فۆتۆ:
2021-06-30
620 جار خوێندراوەتەوە
ب سەدەمێ نەبوونا کارەبێ ل کومەلگەها چرەی سەر ب قەزا شێخان ل دهۆکێ ل سپێدەهیا ئەڤرۆ خۆنیشاندان دەستپێکر و رێیا دنافبەرا دهۆک- هەولێر دائێخست، پشتی بەلاڤە ب خۆ نیشاندانێ هاتیە کرن ژ ئالیێ هێزێن ئەولەهیێ بۆ جارا دووێ وەلاتی هاتن و جاددە گرتە ڤە.
خۆنیشاندەر داخازا خزمەتگوزاریان و پێدانا کارەبێ دکەن و دبێژن رەوشا وان نەیا گونجایە.
ئاماژە ب وێیەکێ ژی دکەن، کو دەلیڤێن کاری ل باژێرکێ واندا نینن و حکومەت ژی خزمەتگوزاریان وەک پێتڤی نادەنێ.
خەلكێ كومەلگەھا چرەى خۆ نيشاندان ئەنجامدا بسەدەمێ نەبوونا كارەبێ و خزمەتگوزاريان و رێيا دناڤبەرا دھۆك- ھەولێر دا گرتیە.
ڕێڤەبەرێ ناحیا قەسرۆک بۆ رێکەفتنێ دگەل وەلاتیان چوویە سەر جاددێ لێ هەیا نها جاددە نەهاتیە ڤەکرن.
ئەڤرۆ چار شەمبی، بسەدەمێ گرێدانا سیستەمێ نوی یێ کارەبێ خەلکێ کومەلگەها چرەی خۆ نیشاندان ئەنجامدا، هەڤدەم، رێیا سەرەکی یا دناڤبەرا پارێزگەهێن دهۆک- هەولێر ژ ئالیێ وانڤە هاتیە دائێخستن.
نووچەگەهانێ ئێن ئاڕ تی ڕاگەهاند، گازندەیا وەلاتیان ب وی سەدەمییە کو ئەگەر سیستەمێ نوی بهێتە گرێدان، دێ بۆ دەمێ شەش رۆژان کارەب هێتە بڕین، ژبەر وێیەکێ ئەو دخازن ل مەها ١٠ سیستەم بهێتە گرێدان.
ئەڤە ددەمەکیدایە، ل وەرزێ هاڤین و زڤستانێ وەلاتی گازندا ژ نەبوونا کارەبێ و گرانیا بهایێ وێ دکەن.
هـ.ئـ