فۆتۆ:
2021-06-30
824 جار خوێندراوەتەوە
پەیڤدارێ حکومەتا هەرێمێ د ڕاگەهاندنەکێ دا رەتکریە ئەو بالەفڕا هێرش کریە سەر کەتائیبێن سەید ئەلشوهەدا ل هەولێرێ فڕیبن.
پەیڤدارێ حکومەتا هەرێمێ زەلالکرنەک بەلاڤکر
پەیڤدارێ حکومەتا هەرێمێ د ڕاگەهاندنەکێ دا رەتکریە ئەو بالەفڕا هێرش کریە سەر کەتائیبێن سەید ئەلشوهەدا ل هەولێرێ فڕیبیت.
سپێدەهیا ئەڤرۆ رۆژا دووشەمبێ چەند بالەفڕێن ئەمریکی بارگەهێ لیوایا ١٤ یا حەشدا شەعبی لسەر سنورێ عێراق-سوریا ل قائیم کرە ئارماندج، د ئەنجامدا حەفت کەسان ژیانا خۆ ژ دەستدا ب بێی وێیەکێ هژمارا برینداران بهێتە ئەشکەراکرن.
ب نێرینا چەند چاڤدێرێن سیاسی ناڤەندا عەین یا ئیماراتی، ئارمانج ژ وێ هێرشێ نامایەکە بۆ میلیشیاتێن عێراقێ یێن نێزیک ژ ئیرانێ کو ئەو دبێژن ئیدارەیا جۆ بایدنی سەرۆکێ نها یێ ئەمریکا پاشکەشەکریە ژ ئارمانجکرن و بەرسڤدانا هێرشێن میلیشیاتان.
هەڤدەم، دەربارەی هێرشان چەند بەرپرسێن حەشدا شەعبی هەرێما کوردستانێ تەهمەتبارکر ب هندێ کو ئەو بالەفڕە ژ هەولێرێ فڕینە.
زەلالکرنا حکومەتێ
پەیڤدارێ حکومەتێ ڕاگەهاندنەکێ دا رەتدکەت کو ئەو بالفڕێن هێرش کرینە سەر کەتائیبێن سەید ئەلشەهەدا ل هەولێرێ فڕیبن و دبێژیت، "ئەم فان ئاخفتنان رەتدکەین ژبەرکو چ بنەمایەک بۆ نینە".
د ڕاگەهاندنێ دا هاتیە، "ئەو هێرشێن بۆ سەر هەولێرێ هاتینە کرن ژ ئالیێ گروپێن ژ یاسایێن دەرکەفتی بوون و نهاژی ئەڤ ئاخفتنە واتایەکا خرایب دگەهینن، هەر هێرشەکا دی بۆ سەر هەولێرێ بهێتە کرن گومان دکەڤیتە سەر ئەو ئالیێن ئەحمەد مکصوص و هەڤکارێن وی نوینەرایەتیێ دکەن ژبەرکو رێخۆشکرن و ئینانا پێش وەختە بۆ ب ئارمانجکرنا هەولێرێ".
دەقێ زەلالکرنێ:
دڤان رۆژاندا ئێک ژ بەرپرسێن میلیشیا (کتائب سید الشهداء) بناڤێ ئەحمەد مکصوص بانگەشەیا وێیەکێ کربوو کو گوتیە ئەو بالەفڕێن ئەمریکی یێن هێرش کریە سەر میلیشیاتان، ژ بالەفڕخاەنا هەولێرێ فڕینە، ئەم ڤان ئاخفتنان رەتدکەین ژبەرکو چ بنەمایەک بۆ نینە، بەرۆڤاژی ئەو هێرشێن بۆ سەر هەولێرێ هاتینە کرن ژ ئالیێ گروپێن ژ یاسایێن دەرکەفتی بوون و نهاژی ئەڤ ئاخفتنە واتایەکا خراب دگەهینن هەر هێرشەکا دی بۆ سەر هەولێرێ بهێتە کرن گومان دکەڤیتە سەر ئەو ئالیێن ئەحمەد مکصوص و هەڤکارێن وی نوینەرایەتیێ دکەن ژبەرکو رێخۆشکرن و ئینانا پێش وەختە بۆ ب ئارمانجکرنا هەولێرێ.
هـ.ئـ