فۆتۆ:
2021-06-29
337 جار خوێندراوەتەوە
پارێزەرێن عەبدولا ئۆجەلانی رێبەرێ پارتا کرێکارێن کوردستانێ بۆ ئەنجامدانا چاڤپێکەفتنێ دگەل ئۆجەلانی، داخازی ل داخازکەرێ گشتی یا باژارێ بورسا تومارکرن.
رێزان ساریجا و رازیە ئوزتورک و فایق ئۆزگور ئەرول و جەنگیز یۆرۆکلی، پارێزەرێن عەبدولا ئۆجەلان، رێبەرێ زیندانکریێ پەکەکێ جارەکا دی داخازی پێشکێشی داخازکەرێ گشتی کرن بۆ وێیەکێ رێ ب وان بدەن سەرەدانا دورگەها ئیمڕالی بکەن.
ئەو ژی د دەمەکی دایە، د دەما دەربازبوویدا، چەند جاران داخازی پێشکێشکرنە بۆ هەمان مەرەم، لێ داخازیا وان دهاتیە ڕەتکرن.
پشتی بەلاڤبوونا ڤایرۆسێ کۆرۆنایێ، پارێزەرێن رێبەرێ زیندانکریێ پەکەکێ، چەندین جاران داخازی پێشکێشکرنە، بۆ وێیەکێ سەرەدانا دروگەها ئیمڕالی بکەن، لێ ب هێجەتا سەقای و کۆرۆنایێ ڕەوشا نەئاسای، رێگری لوان هاتیەکرن.
عەبدولا ئۆجەلان نها ژیێ وی بوویە ٧٢ سال و نێزیکی ٢٢ سالانە دیزیندانێن دورگەها ئیمڕالی دا زیندانکریە.
و.ح