فۆتۆ:
2021-06-29
762 جار خوێندراوەتەوە
سەرۆکێ دەستیا گشتی یا وەبەرئینانا هەرێما کوردستانێ ڕاگەهاند، داخازێ ل خۆدان پرۆژەیێن یەکەیێن ئاکنجیبوونێ کریە کارئاسانیێ بۆ وەلاتیان بکەن لسەر دانا قستێن وان، دبێژیت ژێ، "هەر ١٠٠ دۆلاران لهەمبەر ١٣٠ هزار دیناران دیاربکەن".
محەمەد شوکری سەرۆکێ دەستەیا گشتی یا وەبەرئینانا هەرێما کوردستانێ بۆ رۆپەلا فەرمی یا پارتی ئاماژە ب وێیەکێ کریە، دێ هەمی بزاڤان کەین پێدانا قستان ژ ئالیێ وەلاتیان ڤە ب ئاوایەکێ بیت کو دئاستێ رەوش و ژیارا خەلکی دابیت، دبێژیت ژی، بەشەک ژ خۆدان پرۆژەیان لدیڤ داخازیا وان هاتینە.
سەرۆکێ دەستەیا گشتی یا وەبەرئینانێ بەحسا وێیەکێ ژی کریە، هەیا نها ب دوو نڤیسارێن فەرمی خۆدان پرۆژیێن یەکەیێن ئاکنجیبوونێ هایدارکرنە ب رێکا وەرگرتنا قستێن هەڤبەش یێن پرۆژەیێن یەکەیێن ئاکنجیبوونێ، تێدا هاتیە بلندبوونا بهایێ دۆلاری لبەرچاڤ وەربگرن و بها بلا ب ئاوایەکی بیت کو ڕەوشا داراییا وەلاتیان لبەرچاڤ بیت.
دبیژیت ژی، "بدیارکری مەداخازکریە هەر ١٠٠ دۆلار لهەمبەر ١٣٠ هزار دیناران بهێتەدیارکرن و ئەو زیادا دمینیت ژی بێخنە سەر قستێن داهاتی ، بدلخۆشیڤە هندەک ژ خۆدانێن پرۆژەیان لسەر داخازا مە ڕازیبوون".
بۆ دەما چەند مەهانە، بهایێ دۆلاری ب ئاوایەکێ بەرچاڤ بلندبوویە ب ڕەنگەکێ ١٠٠ دۆلار نێزیکی ٣٠ هزار دینارێن عێراقی زێدەکریە، زێدەباری قەیرانێن دارایی و لێبڕین و پاشکەفتنا مووچەی، کو ڤێ یەکێ ژی کاریگەریا ڕاستەخۆ کریە تەمامیا وەلاتیان بتایبەتی ئەو کەسێن کو قستێن یەکەیێن ئاکنجیبوونێ لسەرن.
و.ح