فۆتۆ:
2021-06-29
211 جار خوێندراوەتەوە
بەرەڤانیا باژاری ل دهۆکێ ڕاگەهاند، دشەش مەهێن دەربازبوویدا ١٩ کەسان ب سەدەما شەوتین و خەندقینێ ژیانا خۆ ژ دەستدایە، گوت ژی، هزار و ٥٥٣ بویەران روویدایە و زێدەتری حەفت ملیار دینار زەرەر هەبووینە.
بێوار عەبدولعەزیز پەیڤدارێ بەرەڤانیا باژاری ل دهۆکێ دکۆنفڕانسەکێ رۆژنامەڤانیدا ئامارێن بویەرێن شەش مەهێن دەربازبووی بەلاڤکرن ڕاگەهاند، دشەش مەهێن دەستپێکا ئەڤ سالەدا ٢٠٢١ێ زێدەتری ١٥٥٣ بویەرێن جودا ژئالیێ بەرەڤانیا باژاری ڤە هاتنە تومارکرن.
ئاماژە ب وێیەمکێ ژی کر، ژ وان بویەران ژی هزار و ١١٠ بویەرێن ئاگربەربوونا پیش و پەلەخ و دارستان و دەخل و دانان بووینە، کو هەشت بویەر ل کەمپێن ئاواریان بوون و تێدا ٢٥ چادر شەوتینە ژبلی کەمپا شاریا کو ٢١٣ چادر شەوتیبوون.
دەربارەی ژیان ژ دەستدانێ ژی بێواری ڕاگەهاند، دشەش مەهێن دەربازبوویدا ١٩ کەسان ب سەدەمێن جودا ژیانا خۆ ژ دەستدانە کو ١١ ب شەوتینێ و هەشت ب خەندقینێ بووینە ٥٨ کەس ژی هاتنە رزگارکرن.
بەحسا وێیەکێ ژی کر، زەرەر و زیانێن وان روویدانا گەهشتنە حەفت ملیار و ١١٠ ملیۆن دینارێن عێراقی.
و.ح