فۆتۆ:
2021-06-29
107 جار خوێندراوەتەوە
ڕێکخراوا جاسەنە یا نە حکومى ڕاگەهاند، دەسهەلاتدارێن هەرێما کوردستانێ، بێى گۆهدانا پرەنسیپێن ئازادى و مافێن مرۆڤى، پێنگاڤێن وان ستەمکاران ل هەمبەر ب رۆژنامەڤان و چالاکڤانان زێدەتر و زێدەتربیە.
رێکخراوا جاسانە یا نەحکومى د ڕاگەهاندنەکێ دا دیار کر، ب دەستەسەرکرن و زیندانکرن و سەپاندنا حوکمێ نە دروست د هەمى یاسا و رێسایێن ناڤخۆى و ناڤدەولەتى، دەسهەلاتدارێن هەرێما کوردستانێ، پێنگاڤێن وان ستەمکاران ل هەمبەر رۆژنامەڤان و چالاکڤانان زێدەتر و زێدەتربوویە.
ئاماژە ب وێیەکێ ژى کر، دەسهەلاتدارێن هەرێمێ بێى گۆهداریا گڤاشتنێن ناڤخۆی و ناڤدەولەتى بکەت، ب رێکا دادگەهێن خۆ حکومدانا نە دادپەروەر و ستەمکارانە یا خۆ ب سەر زیندانیکریێن ئازادیخازێن بەهدینان دووپاترکر.
لگورى وێ ڕاگەهاندنێ، ڤێ ژى گومانێن خۆ لسەر نە دیموکراسیەت و بزاڤێن سنوردارکرنا ئازادیا ڕادەربرینێ ل هەرێمێ توندترکریە.
دبێژیت ژى، ئەڤ پێنگاڤا دادگەهێن هەرێما کوردستانێ، ب ئارمانجەکا سیاسی و بزاڤەکا دى، ب ئارمانجا خەندقاندنا ئازادى و بەرتەنگکرنا وى کڤانێ دیموکراسى یێ ل هەرێما کوردستانێ هەیی.
د چەندن رۆژێن دەربازبووى دا دادگەها پێداچوونا هەرێمێ بڕیار دا ب جێبەجێکرنا سزایێ شەش سال زیندانکرن بۆ دەستەسەرکریێن بەهدینان و ب ڤێ ژى تەڤایا تانان رەتکرینە یێن کو ئاراستەیێ وێ دۆسەیێ ڤەکرین، پشتى بڕیارێ ژى هەرئێک ژ ئەمریکا و کەنەدا و ئێکەتیا ئەوروپا و یۆنامى هەلویستێ خۆ دەربارەى وێ بڕیارێ دەرکر و رەخنە لێ گرت.
ئەڤە ژی ددەمەکی دایە، زێدەتری حەفت مەهانە چەند رۆژنامەڤان و چالاکڤانێن سڤیل ل بادینان دەستبسەرکرینە، ل ١٦ی مەها سباتا ئەڤ سالە ژی دا ل دادگەها تاوانێن هەولێرێ دادگەهکرنا پێنج ژ وانا برێڤەچوو و تێدا لدیڤ هەردوو ماددەیێن ئێک یێن ژمارا ٢١ یا سالا ٢٠٠٣ێ ب بزاڤکرن بۆ تێکدانا ئاسایشا نەتەوەی سزایێ شەش سالێن زیندانکرنێ بسەر وان دا سەپاند.
ئەوێ بڕیارا دەربارەی دەستەسەرکریێن بەهدینان، نەرازیبوونا رێکخراوێن ناڤدەولەتی و بەشەک ژ پەرلەمانتاران لدیڤ خۆ ئینایە و وەلاتێن دەرڤەژی نەرازیبوون دەربارەی سەپاندنا سزایێ شەش سالێن زیندانکرنێ بسەر وان چالاکڤان دەربڕیە.
د.ش