فۆتۆ:
2021-06-29
648 جار خوێندراوەتەوە
ل شەڤا دەربازبوو گەنجەک ژ مال دەرکەفتیە و پشتی مۆبایلا وی هاتیە دائێخستن و دیار نەبووی ئەڤرۆ تەرمێ وی ب کوشتی ل گوندێ نێرگزین هاتە دیتن.
نووچەگەهانێ ئێن ئار تی دیارکر،ئەڤرۆ سێ شەمبی تەرمێ کەسەکی ب کوشتی هاتە دیتن، بيلال عسمان خەلكێ تاخێ ئازادي بوو ل ئاكرێ، ب گوتنا شاھد حالان ل شەڤا ٢٨ی ڤێ مەھێ ب تەكسيەكێ ژ مال دەرکەفتیە و دچيتە نێزيك گوندێ نێرگزين.
ئاماژە ب وێیەکێ کر، کو پشتی مۆبايلا وی دھێتە دائێخستن و كەسوكارێن وی لێدگەریێن، لێ ئەڤرۆ سێ شەمبی تەرمێ وی ب كوشتی ھاتە ديتن.
ھەر چەندە ئێن ئاڕ تی پەیوەندی ب برايەكێ وی كر لێ ئامادەنەبوو چ زانياريان بدەتە دیارکرن.
عقيد رەشيد محەمەد ڕێڤەبەرێ پوليسێن ئاكرێ دبێژیت، ھەیا نھا چ زانياريێن تەمام نینن لسەر ڤێ بوویەرێ، ھەیا ڤەكۆلين لسەر تەرمێ وي دھێنە كرن پشترا دێ زانياريان بەلاف كەین، نھا ژي تەرمێ بۆ نوژداريا داد ل نەخۆشخانا گولان ل ئاكرێ ھاتيە رەوانەكرن، پشکنين بۆ تەرمێ دھێنە ئەنجامدان هەیا کو راستيا بوویەرێ بھێتە زانين.
ئەڤە ددەمەکیدایە، هەر ل وێ دەڤەرێ ل شەڤا دەربازبووی گەنجەکێ ٣٠ سالی ب سێ گولەیان هاتیە بریندارکرن و هاتیە رەوانەی بۆ نەخۆشخانا گولان ل ئاکرێ.
شـ-ئـ
هـ.ئـ