فۆتۆ:
2021-06-29
335 جار خوێندراوەتەوە
لسنورێ پارێزگەها دهۆکێ ب بەرهەڤبوونا ڕێڤەبەرێن پەیوەندیدار پارێزگەها دهۆکێ دەربارەى ئاریشەیێن عەردێن ١٦ گۆندێن کرستیانان جڤیان
ئەڤرۆ سێشەمبی، پارێزگەها دهۆکێ ڕاگەهاند، ب سەرپەرشتیا عەلی تەتەر پارێزگارێ دهۆکێ، لسنورێ پارێزگەهێ ب بەرهەڤبوونا ڕێڤەبەرێن پەیوەندیدار جڤین دەربارەى ئاریشەیێن عەردێن ١٦ گۆندێن کرستیانان هاتەکر.
د راگەهاندنا پارێزگەها دهۆکێ هاتیە، "د جڤینێ دا دەربارەى ئاریشەیێن کرستیانان هژمارەکا سکالا و داخۆازیان گەهشتینە کارگێریا پارێزگەها دهۆکێ پشتی دانوستاندن و هەلسەنگاندنا جۆرێن وان ئاریشەیان لسەر راسپاردێن حکۆمەتا هەرێمێ لژنەیەک بۆ چارەسەرکرنا ئاریشەیێن وان گۆندان هاتە پێکئینان".
دڕاگەهاندنا پارێزگەهێ دا هاتیە کو جڤنێ دا پارێزگارێ دهۆکێ دیار کر، "نابیت عەردێن چ پێکهاتەیان غەدر لێ بهێتەکرن، لگورى یاسا و رێنمایان و ب رێکا ڤێ لژنەیێ و لژنەیێن لاوەکی لسەر ئاستێ دەڤەرداریی و ناوچەداریان ئەڤ ئاریشە دێ هێنە چارەسەرکرن".
ڕاگەهاندنا پارێزگەها دهۆکێ دیار ژى کر، ٥٥ گۆندێن کرستیانان لسنۆرێ پارێزگەها دهۆکێ هەنە، ژ وانا ١٦ گۆندێن دی یێن ئاریشە و سکالا تۆمارکرینە دگەل ئالێن پەیوەندیدار ئاریشەیێن وان دێ هێنە چارەکرن.
د.ش