فۆتۆ:
2021-06-29
277 جار خوێندراوەتەوە
پشتی سالا ٢٠١٧ێ و ههیا نها د ناڤ سهنتهرێ باژێرێ شێخان دا زێدهتری ژ چار هزار خانی لێ هاتینه ئاڤاكرن، ههروهسا شێخان پێدڤی ب ١٠ ملیار دینارایه ههیا کو رێكێن ڤان تاخان بهێنە دروستكرن، دگهل دروستكرنا ئاڤرێژێن وان دا ئهو خهلك ئاشنابن ژ وان خزمهتگوزاریان.
خالد نهرمۆ سهرۆكێ باژێرڤانیا شێخان ڕاگەهاند، "رێژهیا ئاڤاهیا و ئاڤهدانیێ و پێدانا مولهتێن ئاڤهدانكرنێ زێدهبوویه، پشتی ٢٠١٧ێ زێدهتری چار هزار ئاڤاهی ل شێخان هاتینه ئاڤاكرن، ژ بهر ههبوونا ئارامیهك باش ب تایبهت پشتی تێكشاندنا رێكخراوا تیرۆرستی یا داعش و تێكچوونا رهوشا ئەولەهیی یا موسل ب گشتى ههموو پێكهاتێن دهوروبهرێن موسل بەرەڤ شێخان هاتینە و خانی لێ ئاڤاكرینه".
سهرۆكێ باژێرڤانیا شێخان ئاماژە ب وێیەکێ کر، ژبهر ڤێ بهرفرههبوونێ ژ زێدهبووی رێژهكا مهزن یا ئاڤاهی و تاخا هاتینه دروست كرن پێدڤی ب خزمهتگوزاریایه، ب تنێ بۆ رێیێن تاخێن ناڤخۆ یێن نوی هاتینە دروستکرن پێدڤی ب ١٠ ملیار دینارایه هەیا کو رێکێن ڤان تاخان بهێنە دروست كرن دگهل دروستكرنا ئاڤرێژێن ژى.
ئهندازیار دیار بهحری، رێڤهبهرێ گشتیێ باژێرڤانیا ل پارێزگهها دهوك دیار كر، "ل سنورێ قهزا شێخان چار پرۆژێن گرێدایی باژێرڤانیا مه ڤهنه ب كۆژمێ ئێك ملیار و ٥٠٠ ملیون دیناران هاتینه دابین كرن".
ئەڤە د دەمەکى دایە کو قەزا شێخان گلە و گازندەیا کێمیا جاددە، ئاڤ، کارەب، ئاڤرێژ و چەندین خزمەتگوزاریێن سەرەکى یێن ژیانێ دکەن، لێ هەیا نها وەک پێدڤى خزمەتگوزارى بۆ ڤێ قەزایێ نەهاتنە دابینکرن.
د.ش