فۆتۆ:
2021-06-29
117 جار خوێندراوەتەوە
لگورى زانیاریێن نووچەگەهانێ ئێن ئار تى بەشەک ژ ئاکنجیێن گوندێن قەزا دوکان بسەدەما کێمیا کارەبێ رێکا سەرەکى یا سێمانیێ داخست.
لگورى زانیاریێن نووچەگەهانێ ئێن ئاڕ تى، ئاکنجیێن وان گوندان داخازا وان یا سەرەکى کێمیا کارەبێ یە.
دبێژیت ژى، ئاکنجیێن وان گوندان دبێژن، رۆژانە ل سپێدەهیان ژبەرى هەلاتنا رۆژێ کارەبا نیشتیمانى یا گوندێن وان دهێتە قوتکرن و هەیا درەنگى پشتى نیڤرۆ کارەب نینە، ڤێ ژى وەکریە ئاریشە بۆ گوندێن کانى خان و سنورێ وێ دروست ببن.
دنها دا رێکا سەرەکى دوکان- سلێمانى داخستە و داخازدکەن بەرپرس ل دویڤ داخازا وان بهێن و ئاریشەیا وان بۆ چارەسەربکەن.
لگورى زانیاریێن نووچەگەهانێ ئێن ئاڕ تى ڕێڤەبەرێ ناحیا سورداش گوتیە، ئاریشە ناڤەندیە و د دەسهەلاتا وان دا نینە بشێن دەمژمێرێن دانا کارەبێ زێدەبکەن.
هەر لگورى زانیاریێن نووچەگەهانێ ئێن ئاڕ تى، ژبلى کێمیا کارەبێ ئێک ژ ئاریشەیێن دى یێن ئاکنجیێن گوندێ کانى خان نەبوونا کۆژمەکا پێدڤی یا ئاڤا ڤەخارنێ یە.
د دەمەکى دا، بۆریا ڤەگوهاستنا ئاڤا دوکان- سلێمانى ب رەخ گوندێ کانى خان دا دەربازدبیت، لێ وى گوندى ب خۆ ئاریشەیا کێمیا ئاڤێ یا هەیی و ژ وی پرۆژەى مفادار نەبوون و حکومەتێ ژێدەرەکێ دى یێ ئاڤا ڤەخارنێ بۆ دابین بکەت.
لگورى زانیاریێن نووچەگەهانێ ئێن ئاڕ تى، خۆنیشاندەر دبێژن، ئەگەر حکومەت ب دویڤ داخازیێن مە نەهێت ل وى دەمى دێ رێکەکا دى یا فشارێ گرینەبەر.
ئەڤە د دەمەکى دایە، د دەما سیهـ سالێن دەربازبووى دا حوکمرانیا دەسهەلاتا حکومەتا هەرێمێ ئاریشەیا دابینکرنا کۆژمەکێ پێدڤى یێ کارەبێ و ئاڤا ڤەخارنێ ئێکن ژ ئاریشەیێن هەیا نها نەهاتینە چارەسەرکرن و د بەرامبەر ژى دا حکومەتا هەرێمێ هەیا نها چ پلان و بەرنامەیەکێ روون نینە بۆ چارەسەرکرنا وان ئاریشەیان.
د.ش